Die Eriniërs (Grieks: Ἐρινύες) of wraakgodinne was in die Griekse mitologie chtoniese godinne van wraak of die woede van die afgestorwenes. Toe die Titaan Kronos sy vader, Uranos, ontman en sy genitalieë in die see gegooi het, het die Eriniërs uit die bloeddruppels ontstaan, terwyl Afrodite uit die seeskuim gebore is.

Twee wraakgodinne, op ’n antieke vaas.

Daar word gewoonlik nie genoem hoeveel daar van hulle was nie, maar soms was daar drie. Hulle het slange op hulle kop gehad en bloed het uit hul oë gedrup. Soms het hulle die vlerke van ’n vlermuis of ’n voël gehad en die lyf van ’n hond.

VerwysingsWysig

Hierdie artikel is merendeels vertaal vanaf die Engelse Wikipedia-artikel en:Erinyes
  • Ilias xiv.274–9; xix.259f.
  • Vergilius, Aeneis vii, 324, 341, 415, 476.
  • Burkert, Walter, 1977 (vert. 1985). Greek Religion (Harvard University Press).