Errol Arendz

Errol Arendz (gebore 6 Oktober 1953) is 'n internasionaal-bekende Suid-Afrikaanse modeontwerper van Kaapstad.^[1] Talle bekendes het al van sy uitrustings gedra. Hy het ook uniforms vir die kajuitbemanning en grondpersoneel van die Suid-Afrikaanse Lugdiens ontwerp.

Arendz het in 1973 met hoogste lof van die Fashion Academy in Johannesburg gegradueer. In die jare sewentig studeer en werk hy in Parys en Londen. Hy word oornag 'n sensasie in Suid-Afrika toe Fairlady foto's van die sosiale vlinder Barbara Barnard, wie sy eerste versameling uitrustings dra, publiseer.^[2]

Sy bekende internasionale kliënte sluit in: Priscilla Presley, Joan Collins, Shakira Caine, Joanna Lumley, Sharon Stone en Jaclyn Smith. Van sy Suid-Afrikaanse kliënte sluit in: Elita de Klerk, Pam Golding en Karen Barnard.

Verwysings

↑ HAT Taal-en-feitegids, Pearson, Desember 2013, ISBN 978-1-77578-243-8
↑ Profiel op TVSA.co.za, besoek op 27 Maart 2016

Eksterne skakels

Arendz se amptelike webtuiste

[HAT_Taal-en-feitegids-1] HAT Taal-en-feitegids, Pearson, Desember 2013, ISBN 978-1-77578-243-8

[2] Profiel op TVSA.co.za, besoek op 27 Maart 2016

[1]

[2]