Fantastic Four
Die Fantastic Four is 'n superheldspan in Amerikaanse strokiesverhale van Marvel Comics. Die span se eerste verskyning was in The Fantastic Four (November 1961) en hulle het 'n nuwe vlak van realisme in die medium ingelui. Dit was die eerste superheldspan wat deur die skrywer-redakteur Stan Lee en kunstenaar Jack Kirby geskep is en was die begin van die Marvel-styl.
| Fantastic Four | |
.jpg)
| |
Cosplayers van die Fantastic Four.
| |
| Skepping | |
|---|---|
| Eerste verskyning | The Fantastic Four (November 1961) |
| Geskep deur | Marvel Comics Stan Lee en Jack Kirby |
| Inligting | |
Die vier karakters wat tradisioneel verbind word met die Fantastic Four (wat superkragte gekry het deurdat hulle aan kosmiese strale blootgestel is tydens 'n wetenskapsending in die buitenste ruim) is: Mister Fantastic (Reed Richards), 'n wetenskaplike genie en die leier van die groep wat sy liggaam in ongelooflike lengtes en vorms kan rek; die Invisible Woman (Susan "Sue" Storm-Richards), Reed se meisie en later vrou wat haar onsigbaar kan maak; die Human Torch (Johnny Storm), Sue se jonger broer wat vlamme kan skep, hom daarmee omring en vlieg; en die monsteragtige Thing (Ben Grimm), hulle nors maar liefdadige vriend, 'n voormalige voetbalster, Reed se kamermaat op universiteit en 'n ervare vlieënier war bomenslike krag het.
Sedert hulle bekendstelling in 1961 is die Fantastic Four uitgebeeld as 'n ietwat disfunksionele, maar lieftallige familie. Anders as destydse helde het hulle gestry, wrokke gehad en anonimiteit bo sterstatus verkies. Hulle is ook bekend vir hulle herhaalde gevegte teen karakters soos die skurk Doctor Doom; die planeetverorberende Galactus; die Kree-ryk se onverskrokke Ronan the Accuser, ensovoorts.
Die Fantastic Four is aangepas vir ander media, soos videospeletjies en rolprente.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
