Federasietoring
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Federasietoring (Russies: Федерация; Federatsieja) is 'n wolkekrabber in die Russiese hoofstad Moskou in die stadsdeel "Москва-Сити" Moskva-Siti. Die geboukompleks bestaan uit twee torings, waarvan die eerste 'n hoogte van 360 meter bereik (met antennemas 506 meter) en 93 verdiepings sal tel, en die tweede 'n hoogte van 243 meter met 62 verdiepings.
Die kompleks is in 2017 voltooi en is die tweede hoogste gebou in Europa na die Lachta-sentrum in Sint Petersburg. Dit is byna 90 meter hoër as die Moskouse Triomfpaleis (ook bekend as die 8ste van die Sewe Susters) wees.
Die gebou is ontwerp deur die Duitse argitekte Sergei Tchoban, 'n boorling van Rusland, en Peter Paul Schweger. Die toring is deur die Miraks-groep opgerig.
Die boukoste het sowat 390 miljoen Euro bedra. Die Russiese bank VTB (voorheen Vnesjtorgbank), wat kantore op dertig verdiepings van die gebou het, het 50% van die projek gefinansier. 'n Groot deel van die gebou word ook vir die Grand Hyatt Moscow gereserveer. Beide geboue huisves verder in hul boonste verdiepings restaurante, 'n uitsigplatform en 'n gimnasium met 'n swembad.
Eksterne skakels
wysig
Wikimedia Commons het meer media in die kategorie Federasietoring.- Amptelike webwerf
