Ficksburgtornado
Die Ficksburgtornado het op 2 Oktober 2011 voorgekom in die westelike dele van die informele nedersetting, Meqheleng, by Ficksburg. Die storm het omstreeks 14:00 losgebars.
In hierdie ramp het 'n negejarige seun, Jama Mokhekhe, weens trauma aan die ingewande en veelvoudige wonde veroorsaak deur vlieënde brokstukke omgekom,[1] terwyl tientalle beseer (waarvan 2 ernstig) en honderde dakloos gelaat is. Een-honderd-twee-en-twintig HOP-huise is vernietig.[2] Die ambulansdiens het 42 beseerdes na die Phutuloha-hospitaal vervoer en vir snyplekke, kneuswonde en bloeding behandel.
Daar heers verskille of hierdie tornado as 'n fratsverskynsel geïdentifiseer moet word of nie. Hoewel tornado's in Suid-Afrika wel in die lente en somer voorkom, vind dit eintlik eers werklik vanaf November plaas.[3][4]
Sien ook wysig
Verwysings wysig
- ↑ http://www.iol.co.za/news/south-africa/gauteng/tornado-flattens-free-state-homes-1.1149076#.UFRVCK7TXcs
- ↑ "argiefkopie". Geargiveer vanaf die oorspronklike op 11 Maart 2012. Besoek op 15 September 2012.
- ↑ ibid
- ↑ http://www.volksblad.com/Suid-Afrika/Nuus/Tornado-verniel-Ficksburg-20111002[dooie skakel]