Wikipedia

Final Cut Studio

Final Cut Studio is ’n professionele video- en oudioproduksieprogrammatuurpakket van Apple Inc. en ’n direkte mededinger vir Avid Media Composer in die professionele rolprentvervaardigingsindustrie. Dit is nou slegs te koop beskikbaar deur Apple se 1-800-nommer, dus nie aanlyn of in Applewinkels nie.

Final Cut Studio
Ontwikkelaar Apple Inc.
Bedryfstelsel OS X
Kategorie Nie-liniëre redigeringstelsel
Lisensie Eiendomsprogrammatuur
Webblad Apple - Final Cut Studio

Komponente wysig

Final Cut Studio weergawe 3 bevat ses belangrike toepassings en verskeie kleiner toepassings wat in videoredigering gebruik word. Die belangrike toepassings is:

  • Final Cut Pro 7 – “intydse redigering vir digitale video, Standaard- en Hoëdefinisievideo”
  • Motion 3 – “intydse bewegingsgrafikaontwerp”
  • Soundtrack Pro 3 – “gevorderde oudioredigering en klankontwerp”
  • DVD Studio Pro 4 – enkodering, DVD-skryf en maak
  • Color 1.5 – ’n nuwe kleurgraderingstoepassing wat van Silicon Color se FinalTouch aangepas is
  • Compressor 3.5 – ’n video-enkoderingsnutsmiddel om projekte in verskillende formate uit te stuur

Bykomende ingesluite toepassings is:

  • Cinema Tools 4.5 – nutsmiddels spesifiek tot filmverwerking
  • Qmaster 3 – ’n verspreide verwerkingsnutsmiddel

Geskiedenis wysig

Final Cut Studio is in April 2005 by die Nasionale Vereniging van Uitsaaiers (NVU) bekendgestel. Dit is die opvolger vir Production Suite en het nuwe toepassings vir al dié van Production Suite, asook ’n nuwe program genaamd Soundtrack Pro wat eintlik ’n nuwe weergawe van Soundtrack wat vroeër by Final Cut Pro ingesluit is, bevat. In Januarie 2006 het Final Cut Studio die enigste manier geword waarop enige van die individuele belangrike toepassings verkry kon word. In Maart 2006 het Apple die Universele Binêre weergawe as Final Cut Studio 1.1 vrygestel.

Production Suite was ’n programmatuursamestelling van Apple wat gebruik is vir digitale videoredigering. Final Cut Pro HD, DVD Studio Pro 3 en Apple Motion was deel van Production Suite. Dit is in Augustus 2004 vrygestel ten spyte daarvan dat die toepassings in April 2004 aan die Nasionale Vereniging van Uitsaaiers bekendgemaak is.

In April 2005 het Apple Production Suite met Final Cut Studio vervang waarby nuwe weergawes van Final Cut Pro, DVD Studio Pro en Motion ingesluit is. Soundtrack Pro is ook by die pakket ingesluit.

Vrystellingsgeskiedenis wysig

Datum Vrystellings
NVU 1999 Final Cut Pro
Macworld-ekspo 2001 DVD Studio Pro
Maart 2001 Final Cut Pro 2 [1]
Desember 2001 Final Cut Pro 3 [2]
April 2002 Cinema Tools [3]
NVU 2002 DVD Studio Pro 1.5 [4]
NVU 2003 Final Cut Pro 4,[5] DVD Studio Pro 2,[6] LiveType, Soundtrack, Compressor
NVU 2004 Final Cut Pro HD,[7] DVD Studio Pro 3,[8] Motion,[9] LiveType 1.2, Soundtrack 1.2, Compressor 1.2
Augustus 2004 Production Suite [10]
NVU 2005 Final Cut Studio:[11] Final Cut Pro 5, DVD Studio Pro 4, Motion 2, LiveType 2, Soundtrack Pro,[12] Compressor 2
Maart 2006 Final Cut Studio vrygestel as ’n Universele toepassing.[13]
NVU 2007 Final Cut Studio 2:[14] Final Cut Pro 6, DVD Studio Pro 4, Motion 3, LiveType 2, Soundtrack Pro 2, Color, Compressor 3
Julie 2009 Final Cut Studio (2009):[15] Final Cut Pro 7, DVD Studio Pro 4, Motion 4, Soundtrack Pro 3, Color 1.5, Compressor 3.5
Julie 2011 Final Cut Pro X, Motion 5, Compressor 4

Bemarking wysig

Final Cut Pro is geposisioneer as ’n alles-in-een-produksiewerkvloeistelsel na aanleiding van sy integrasie van film, mosiegrafika en klankpostproduksienutsmiddels in een pakket. Dit is soortgelyk aan die iLife-pakket wat op verbruikers gemik is, insoverre dat iMovie die verbruikerseweknie van Final Cut Pro is; Garageband van Logic Pro en iDVD die afgewaterde weergawe van DVD Studio Pro is. Net soos in Motion, is Core Image-effekte wat intyds toegevoeg kan word, deel van iMovie.

Hoë Definisie wysig

In die Macworld-kongres en ekspo in 2005 het Steve Jobs, voormalige HUB van Apple, die jaar 2005 tot die “Jaar van HD” verklaar. In hierdie verband is die HD-funksies van Final Cut Studio beklemtoon soveel so dat ’n klein HD-logo vir elk van die toepassings van Final Cut Studio op die verpakking geplaas is.

Final Cut Studio ondersteun byna alle vorme van Hoë Definisie (HDV, DVCPRO HD, AVCHD en ongekompakteerde HD) en Soundtrack Pro en Motion kan ook hierdie formate invoer waar dit op ’n eksterne skerm teruggespeel kan word. DVD Studio Pro ondersteun die HDDVD 1.0-spesifikasies.

Verpakking wysig

Die ontwerp vir die verpakking en webblaaie vir elke toepassing is ooreenstemmig met ’n demonstrasievideo wat tydens die produk se bekendstelling tydens NVU 2005 vertoon is. Hierdie video sluit ook verwysings na Shake 4 – ’n professionele digitale samestellingstoepassing wat met Final Cut Pro integreer maar wat nie by Final Cut Studio ingesluit is nie.

Gevallestudies wysig

Om die Studio-komponente te bemark het Apple ’n aantal gevallestudies van regte gebruikers van die toepassings saamgestel. Vir Final Cut Pro het hulle Bunim-Murray Productions se gebruik van die program in hulle The Real World-werklikheidsreeks gebruik. Vir Soundtrack Pro is Walter Murch, ’n filmredigeerder en klankontwerper wat aan Cold Mountain en \\The Godfather gewerk het, gebruik. Vir Motion is die voorbeeld van Mekanism en hul skepping van ’n advertensie wat die jeug aanmoedig om te gaan stem, gebruik. Vir DVD Studio Pro is die voorbeeld van Relevant wat die program in ’n unieke manier gebruik het vir ’n interaktiewe rolprent genaamd Backwoods to Brooklyn, gebruik.

Integrasie wysig

Die toepassings is ontwerp om as ’n pakket te integreer en ’n werksvloei te vorm. In besonder kan:

  • Final Cut Pro-sekwense uitgestuur word na Soundtrack Pro vir klankinstelling en musikale orkestrering
  • Final Cut Pro-sekwense na Compressor gestuur word vir enkodering in ’n eksterne formaat
  • Final Cut Pro-sekwense uitgestuur word na Motion vir bewegingsgrafika-oorlegsels of na LiveType, spesifiek vir titeloorlegsels
  • LiveType-projekte na in Final Cut Pro geopen word sonder dat dit nodig is om uitgestuur te word
  • Motion-projekte kan in DVD Studio Pro se keuselyste geïnkorporeer word sonder dat dit nodig is om uitgestuur te word
  • LiveFonts van LiveType kan in Motion gebruik word

Final Cut Pro en Motion integreer ook direk met Shake, ’n digitale samestellingspakket van Apple. Shake word nie meer gemaak nie.

Verwysings wysig

  1. ↑ Apple stel Final Cut Pro 2 met Intydse redigering en ’n deurbraak in G4-werkverrigting bekend
  2. ↑ Apple stel Final Cut Pro 3 bekend
  3. ↑ Apple stel Cinema Tools vir Final Cut Pro bekend
  4. ↑ Apple stel DVD Studio Pro 1.5 vir Mac OS X bekend
  5. ↑ [1]
  6. ↑ [2]
  7. ↑ [3]
  8. ↑ [4]
  9. ↑ [5]
  10. ↑ [6]
  11. ↑ [7]
  12. ↑ [8]
  13. ↑ [9]
  14. ↑ [10]
  15. ↑ [11]

Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Final_Cut_Studio&oldid=1797577"