Fjarill
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die duo Fjarill bestaan uit die Sweedse pianis en sangeres Aino Löwenmark en die Suid-Afrikaanse violinis Hanmari Spiegel en is in 2004 in Hamburg, waar die twee musikante tans bly, gestig.
Fjarill | |
|---|---|
| Oorsprong | Hamburg, Duitsland |
| Genres | Folkpop |
| Jare aktief | 2004 — hede |
| Etikette | Rintintin Musik |
| Webwerf | www.fjarill.de |
| Lede | Aino Löwenmark (stem, klavier) Hanmari Spiegel (viool) |
Fjarill se musiekstyl word beskryf as moderne folk-popmusiek uit Swede en Suid-Afrika - Aino Löwenmark sing Sweedse liedtekste en word deur Hanmari Spiegel se viool begelei. Die twee kunstenaars verwys na die Estiese komponis Arvo Pärt, die Beatles en Sara McLachlan as hul belangrikste musikale invloede. Fjarill het reeds met 'n aantal bekende musici saamgewerk, waaronder die tromspeler Christoph Buhse (wat ook saam met Annett Louisan optree), die tjellis Hagen Kuhr en die Suid-Afrikaans-Duitse sangeres Audrey Motaung.
Fjarill se debuutalbum Stark is in 2006 vrygestel. Die opvolger Pilgrim word deur etniese musiekelemente uit Skandinawië en Suid-Afrika oorheers wat met elemente van Anglo-Amerikaanse en Europese popmusiek gekombineer word. In laat 2008 het 'n langspeler met kersliedere, God Jul, verskyn.
Diskografie
wysig- 2006: Stark
- 2008: Pilgrim
- 2008: God Jul (EP)
- 2010: Livet
- 2012: Live in Hamburg
- 2013: Tiden
- 2016: Stilla Tyd
- 2018: Kom Hem
- 2019: Midsommar