Fokker D.XXI
Die Fokker D.XXI was 'n vegvliegtuig wat deur Fokker gebou is vir die Militaire Luchtvaart van het Koninklijk Nederlandsch-Indisch Leger (ML-KNIL). Dit het die standaardvegter geword vir drie lande: Nederland, Finland en Denemarke. Die eerste van die Nederlandse Lugmag se vliegtuie het in mid-1938 gevlieg en was almal vroeg in September 1938 afgelewer. Toe Duitsland Nederland binnegeval het in Mei 1940, het Nederland oor 28 Fokker D.XXI's beskik. In die vyf dae voor Nederland oorgegee het, het die Nederlandse vlieëniers teen 'n oormag geveg. Op 10 Mei het hulle 37 Junkers Ju 52 vragvliegtuie op een oggend vernietig. Die vlieëniers het aangehou veg totdat hulle ammunisie opgeraak het.
| Fokker D.XXI | |
|---|---|
 | |
| Tipe | Vegvliegtuig |
| Vervaardiger | Fokker |
| Ontwerp deur | Erich Schatzki |
| Nooiensvlug | 27 Maart 1936 |
| Hoofgebruikers | Finse Lugmag Deense Lugmag Nederlandse Lugmag |
| Aantal gebou | 148 |
Finland het die vliegtuig onder lisensie vervaardig vanaf 1939 tot 1944. Sommige van die modelle is verander om die Pratt and Whitney Twin Wasp Junior motor van 825 perdekrag of die Bristol Peagsus motor te kan gebruik. By al die Finse vliegtuie was vier masjiengewere in die vlerke gemonteer. Hulle was ook toegerus met ski's in die winter.
Denemarke het beide Nederlands- en Deensvervaardigde vliegtuie gebruik.
Tegniese besonderhede
wysig| Item | Statistiek |
|---|---|
| Aantal motore | 1 |
| Tipe motor | Skroef |
| Vervaardiger | Bristol Mercury VII 9-silinder, stermotor |
| Kraglewering per motor | 830 perdekrag |
| Vlerkspan | 11,0 m |
| Lengte | 8,2 m |
| Hoogte | 2,95 m |
| Vlerkoppervlakte | 16,72 m2 |
| Maks. opstygmassa | 2 050 kg |
| Maks. snelheid | 460 km/h |
| Operasionele hoogte | 11 000 m |
| Togafstand | 950 km |
| Klimvermoë | 3 000 m in 3½ minute |
| Bewapening | Vier 7,9 mm masjiengewere: 2 in vlerke en 2 bo motor |
Sien ook
wysigBron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9