Ford Explorer
Die Ford Explorer is 'n groot sportnutsvoertuig wat sedert 1990 deur Ford vervaardig word. Die Ford Explorer het ontwikkel tot een van die gewildste SNVs op die paaie. Tot 2010 was dit 'n tradisionele bakwerk-op-raam, mediumgrootte SNV. Vir die 2011-model jaar, het Ford vir die Explorer 'n moderner eenheidsbak, volgrootte oorkruis SNV-platform gebruik, dieselfde Volvo-afgeleide platform wat vir die Ford Flex en Ford Taurus gebruik word. Dit pas in tussen die tradisionele bak-op-raam volgrootte Ford Expedition en die mediumgrootte CUV Ford Edge. Hoewel uiterlik soortgelyk, deel die vyfde geslag Explorer, Ford Edge en Ford Escape nie hul platforms nie.
_at_IAA_2019_IMG_0603.jpg) | |
| Oorsig | |
|---|---|
| Vervaardiger | Ford |
| Produksie | 1990–huidig |
| Modeljare | 1991–huidig |
| Bakwerk en onderstel | |
| Klas | Medium sportnutsvoertuig (1991–2010) Volgrootte oorkruis SNV (2011–huidig) |
| Plek in geskiedenis | |
| Voorganger | Ford Bronco |
Die Explorer was ook betrokke by omstredenheid, na 'n vlaag van dodelike rolongelukke in die 1990's met Explorers toegerus met Firestonebande. Beide die tweedeur Explorer Sport en vierdeur Explorer is verkoop. Deeltydse vierwielaandrywing is 'n beskikbare opsie, en sedert 1995 was dit as 'n skuif-in-die-ry stelsel, met volledige beskerming teen hoë spoed-koppeling. 'n Spesiaalaangepaste "Spesiale Diensvoertuig"-weergawe is ook beskikbaar by Fordvloot vir wetstoepassingsagentskappe, brandweerdepartemente, en EMS agentskappe.
Explorer is ook as naam gebruik op 'n afwerkingspakket wat op die Ford F-reeks vragmotors vanaf 1968 tot 1986 aangebied is. Die 2011 Ford Explorer is as die Noord-Amerikaanse "Bakkie van die Jaar" benoem.
| Hierdie artikel is in sy geheel of gedeeltelik vanuit die Engelse Wikipedia vertaal. |
