Four Corners (VSA)

Die Four Corners (Vier Hoeke) is 'n gebied in die westelike VSA geleë naby die gemene grens van vier Amerikaanse state: in kloksgewys volgorde van die noordweste is Utah, Colorado, Nieu-Mexiko en Arizona. Dit is die enigste plek waar vier Amerikaanse state by een punt saam kom. Drie van die vier staathoeke is op die Navajo Indiaan Reservaat. Die vierde hoek, in Colorado, is op die Ute Mountain Indian Reservation. Die Four Corners Monument wat hier geleë is het 'n $3 per persoon toegangsfooi.

Die Four Corners gebied is die rooi gebied op die kaart

Die Four Corners Monument wat op die plek opgerig is

Four Corners is by die koördinate 36°59′56.81532″N 109°02′42.62019″W geleë.

Omdat die Four Corners deel is van 'n hoë plato, is dit baiekeer die middelpunt van weerstelsels, wat op die plato stabiliseer en dan ooswaarts na die sentrale en bergstate beweeg. Die weerstelsel veroorsaak sneeu en reënval oor die sentrale gedeelte van Amerika.

Soortgelyke plekke

• Quadripoint
• Four Corners (Kanada)
• Tres Fronteras
• Triple Frontier