Friedrichswerdersche Kirche
| Friedrichswerdersche Kirche | |
| |
Friedrichswerdersche Kirche en Schinkel-plein (aan die linkerkant)
| |
| Plek | Berlyn |
|---|---|
| Land | Duitsland |
| Tipe museum | Kunsmuseum |
| Webtuiste | Friedrichswerdersche Kirche |
Die Friedrichswerdersche Kirche is 'n kerk op die historiese plein Werderscher Markt in die Friedrichswerder-buurt van die Berlynse distrik Mitte. Die kerk is tussen 1824 en 1831 volgens planne van Karl Friedrich Schinkel as Berlyn se eerste kerkgebou in die Engels-Neogotiese styl gebou.
Die huidige kerkgebou het tot en met 1872 as simultaankerk vir 'n Pruisies-geünieerde en 'n Frans-gereformeerde gemeente gedien (vandaar sy Franse naam Temple du Werder). Nadat die gereformeerde gemeente reeds sedert 1835 geen eie kerkdienste meer in die gebou gehou het nie, het die geünieerdes hul aandeel oorgeneem.
Die kerk is gedurende die Tweede Wêreldoorlog ernstig beskadig en eers vanaf 1982 heropgebou om as Oos-Berlynse Schinkel-museum te dien. Sedert die laat 1990's maak dit deel uit van die Berlynse Nationalgalerie (Nasionale Kunsgalery) en behandel as museum die werk van die argitek Schinkel en 19de eeuse beeldhoukuns.
Eksterne skakels
wysig
Wikimedia Commons het meer media in die kategorie Friedrichswerdersche Kirche.- (de) Amptelike webwerf
