Fromage blanc

Fromage blanc (letterlik in Afrikaans: 'witkaas'), Fromage frais (letterlik in Afrikaans: 'vars kaas') of Bibeleskaas in Elsas is 'n suiwelproduk met oorsprong in Frankryk en België. In Wallonië word dit dikwels maquée genoem.

'n Kaaskoek uit fromage blanc

Die vervaardiging daarvan is soortgelyk aan die van kaas. Die proses begin deur stremsel by koeimelk te voeg wat dit laat dik word. Daarna, anders as by ander kase, word die dikmelk nie blootgestel aan laktiese fermentasie nie. Dit word verhoed deur die dikmelk af te koel tot 4°C. Die kaas wat verkry word, word geklop en deur 'n lisseuse gestuur om dit smeebaar te maak en residuele proteïnmassas op te breek. 'n Tekstuur soortgelyk aan jogurt word verkry.

Die persentasie vet kan gevarieer word deur die hoeveelheid room wat bygevoeg word: 0%, 20% of 40%. 'Fromage blanc' met 0% vet bevat meer as 85% water.

'Fromage blanc' word in talle soet en soutdisse, byvoorbeeld saam met aartappels of in kaaskoek, gebruik. Dit word dikwels saam met vrugte en 'n bietjie suiker voorgesit as 'n ligte nagereg. Dit word ook soms in die plek van crème fraîche op vlamkoek gebruik.

'Fromage blanc' is maklik verteerbaar en verskaf nie dieselfde probleme as die vertering van melk nie, aangesien dit blootgestel is aan fermentasie. Dit is daarom 'n goeie bron van kalsium en proteïene. Aangesien 'fromage blanc' net vir 'n kort tydjie dikgemaak word, kom slegs weglaatbare klein hoeveelhede laktose in die produk voor en kan mense wat laktose-onverdraagsaam is, dit wel gebruik.