Gamab
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Gamab (//Gamab) is die mitologiese opper- en noodlotswese van die Bergdamara van Namibië. Hy is oorspronklik die god van die opstygende wolke, donder en fonteine en beheer die lewe en die dood.
Hierdie manlike god woon in ‘n hemel hoër as die sterre. Daar het hy sy eie dorpie met ‘n skakuboom in die middel en ‘n heilige heilige vuur. Van daaruit bepaal hy die lot van die mensdom. Gamab voorsien die veldkos (bessies, bolle, wildsvleis) en onderhou so alle lewe sodat dit kan voortbestaan. Hy beskerm alle kinders en die oeste, maar kan ook hongersnood veroorsaak. Wanneer dit tyd is vir iemand om te sterf, kry hy sy boog uit en skiet die persoon vanaf sy dorpie met onsigbare pyle. Wanneer ‘n nuweling daarna in die hemel aankom, gee Gamab hom ‘n beker vloeibare vet om te drink.
Op die hoogste berg in Damaraland is ‘n heilige grot wat vir Gamab afgesonder is.
Bibliografie
wysig- Barnard, Alan: Hunters and gatherers of Southern Africa – a comparative ethnography of the Khoisan peoples. Cambridge: C.U.P., 1992. ISBN 0-521-41188-2
- Hahn, C.H.L., Vedder, H. en Fourie, L.: The native tribes of South West Africa. Milton Park: Frank Cass en kie., 1966. ISBN 0-7146-1670-2
- Knappert, Jan: Namibia – land and peoples – myths and fables. Leiden: E.J. Brill, 1981. ISBN 90-04-06509-1
- www.godchecker.com