Stéphane Lissner
Stéphane Lissner (gebore op 23 Januarie 1953) is 'n Franse teaterdirekteur. Hy is sedert Julie 2014 direkteur van die Paryse Opera.
Lewe wysig
Lissner was in die 12de arrondissement van Parys gebore as die seun van 'n maatskappybestuurder. Lissner is 'n student van die Collège Stanislas de Paris en die lycée Henri-IV.[1] Nadat hy van kollege gegradueer het, het hy in 1972 die "Théâtre mécanique" in 'n klein gebou in die 7de arrondissement van Parys gestig. Hy het tot 1975 aan die hoof daarvan gestaan. Hy het in 1977 sy loopbaan in die openbare teaterindustrie begin as Sekretaris-generaal van die Théâtre de la Commune van Aubervilliers, en daarna was hy vanaf 1978 tot 1983 mededirekteur van die Nouveau théâtre de Nice gewees.[1]
Hy het daarna tussen 1984 en 1987 aan die hoof gestaan van die "Printemps du théâtre", en het in 1984 klasgegee by die Université Paris-Dauphine en was aangestel as Direkteur-generaal van die Théâtre du Châtelet in Parys in 1988, terwyl hy sedert 1983 'n lid is van die Raad van direkteure. Hy het tot 1997 in die posisie gebly terwyl hy van 1994 tot 1996 die algemene bestuur van die Orchestre de Paris oorgeneem het.[1]
Die bestuur van die Aix-en-Provence-fees is in 1998 aan hom toevertrou. Hy het ook van 1998 tot Junie 2005 aan die hoof gestaan van die Théâtre des Bouffes du Nord met Peter Brook, en staan sedert 2002 saam met Frédéric Franck aan die hoof van die Théâtre de la Madeleine.[2]Hy sou tot 2009 aan die hoof staan van die bestuur van die Aix-fees, maar moes dit in 2006 vaarwel roep ten einde op voltydse grondslag die posisies van Superintendent en Artistieke Direkteur van die Teatro alla Scala in Milaan op te neem waarnatoe hy in April 2005 aangestel was en heraangestel was in November 2009.[2]
In Oktober 2012 was hy aangestel as Adjunk-direkteur van die Paris Opera. Hy was ook aangestel om die destydse direkteur, Nicolas Joel, aan die einde van sy termyn in die somer van 2015 op te volg.[3] Nicolas Joël se termyneinde was egter vervroeg (1 Augustus 2014), en derhalwe was Lissner reeds op 9 Julie 2014 amptelik as die Direkteur van die Paris Opera aangestel.[4]
Kontroversie wysig
In Februarie 2015 was Lissner tydens 'n onderhoud op die program "Qui êtes-vous ?" van BFM Business aan 'n opera-vasvra deur 'n joernalis onderworpe gestel maar kon hy slegs 'n uittreksel van die vyf klassieke stukke wat gekies is (La Wally, La forza del destino, Carmen, Tosca (opera) en Madame Butterfly) herken, wat hom die bespotting van talle Internetgebruikers op die hals gehaal het.[5][6][7]
In Mei 2018 het Lissner sy ondersteuning vir sy Direkteur van Dans, Aurélie Dupont[8] uitgespreek, te midde van die bekendmaking deur die pers van 'n interne ondersoek wat gewys het op die wantroue van 'n meerderheid van dansers teenoor hul bestuur.[9]
Pryse wysig
- Offisier van die Ordre national de la Légion d'honneur sedert 2017.[10]
Publikasies wysig
- Métro Chapelle, NiL Éditions, Parys 2000, ISBN 2-84111-187-3.
Verwysings wysig
- ↑ 1,0 1,1 1,2 Notice biographique, Who's Who in France, 2009
- ↑ 2,0 2,1 « Aix : les dix principaux acteurs des réseaux de pouvoir - Stéphane Lissner », Les Échos No 19440 22 Junie 2005, bl. 7
- ↑ AFP (8 Oktober 2012). "Stéphane Lissner succédera à Nicolas Joel à la tête de l'Opéra de Paris en 2015". lepoint.fr (in Frans). Geargiveer vanaf die oorspronklike op 20 Oktober 2019. Besoek op 20 November 2018.
- ↑ "Opéra de Paris: Stéphane Lissner officiellement nommé directeur". francemusique.fr (in Frans). 9 Julie 2014. Geargiveer vanaf die oorspronklike op 3 Maart 2016. Besoek op 30 November 2018.
- ↑ Christophe Rizoud, « Stéphane Lissner n'est pas incollable sur l'opéra » , Forum Opéra, 17 Februarie 2015.
- ↑ « Le directeur de l'Opéra de Paris ne (re)connaît pas ses “classiques” ! », Le Point, 19 Februarie 2015.
- ↑ (it) « Figuraccia di Lissner: dirige l’Opéra di Parigi, ma non riconosce quattro arie su cinque », Il corriere della sera, 17 Februarie 2015.
- ↑ Philippe Noisette, Stéphane Lissner, directeur de l'Opéra de Paris : “On ne peut pas tout accepter !”, Paris Match, 12 Mei 2018.
- ↑ « Opéra de Paris : un document choc révèle le malaise au sein du ballet », Europe 1, 16 April 2018.
- ↑ "Décret du 30 décembre 2016 portant promotion et nomination". legifrance.gouv.fr. 1 Januarie 2017. Besoek op 30 November 2017.
Bibliografie wysig
- « Stéphane Lissner, directeur de la Scala : Entretien », Télérama, No 3151, 5 -11 Junie 2010, bl.20-24
| Voorafgegaan deur Jean-Albert Cartier |
Direkteur van die Théâtre du Châtelet 1998-2006 |
Opgevolg deur Jean-Pierre Brossmann |
| Voorafgegaan deur Louis Erlo |
Direkteur van die Aix-en-Provence-fees 1998-2006 |
Opgevolg deur Bernard Foccroulle |
| Voorafgegaan deur Nicolas Joel |
Direkteur van die Paryse Opera 2014-2021 |
Opgevolg deur ' |