Gehoorapparaat

'n Gehoorapparaat of 'n gehoortoestel is 'n toestel wat diegene met doofheid beter help hoor. Voor die aankoms van die moderne toestelle, is 'n tregteragtige versterkingskegel, genaamd 'n oortrompet", gebruik.

Gehoortoestel vir gebruik agter die oor

Vandag is die mees algemene formaat 'n klein elektroniese toestel wat in die draer daarvan se oor inpas. Die eerste weergawe hiervan het 'n vierkantige batterypak gehad wat in die hempsak gedra was. Met behulp van 'n sinkbatterytjie geplaas binne in die apparaat, kon die apparaat versteek begin raak in die oor self.

Tipes gehoorapparate

Daar is baie verskillende tipes, in verskillende groottes, en met verskillende kragtigheid.

• Gedra aan die liggaam (outyds, grootliks verplaas deur nuwere tipes)
• Brilgehoorapparate (meestal gedra gedurende die periode 1950 tot 1970)
• Agter die oor (veral geskik vir kinders, omdat dit so duursaam is)
• Binne-oor (gedra in die oorskulp, individueel gevorm om te pas)
• Intra-kanaal (baie klein, omtrent nie sigbaar nie)
• Draadloos ('n vriend kan hiermee 'n mikrofoon byvoorbeeld in 'n raserige restaurant dra om makliker gehoor te kan word)
• Gerigte mikrofone (die gebruiker rig die mikrofoon direk op die spreker of klankbron om agtergrondsgeruis uit te wis)
• Telespiraal (verskillende klankbronne word direk aan die gehoorapparaat gekoppel, soos byvooorbeeld 'n telefoon)

Bron

Verkorte vertaling vanaf die artikel Hearing aid op die Engelse Wikipedia.

Eksterne skakels

• Gesonde gehoor Gehoorapparaat- en gehoorsverliesinligtingswebwerf.
• om 'n gehoorapparaat te kies^{[dooie skakel]}