Gene Hackman
Eugene Allen "Gene" Hackman[1] (gebore op 30 Januarie 1930) is ’n Amerikaanse akteur en romanskrywer met 'n toneelspelloopbaan van vyf dekades.
| Gene Hackman | |
| |
Hackman in Junie 2008.
| |
| Geboortenaam | Eugene Allen Hackman |
|---|---|
| Geboorte | 30 Januarie 1930 |
| Aktiewe jare | 1956–2004 |
Loopbaan
wysig
As akteur
wysigHackman het verskeie klein rolle gespeel, soos in die televisiereeks Route 66 (1963), en in Off-Broadway-toneelstukke. Sy eerste rolprentrol was in Lilith (1964, met Warren Beatty in die hoofrol). Hy het in 1967 algemeen bekend geraak vir sy spel as Buck Barrow in Bonnie and Clyde, waarvoor hy die eerste keer vir ’n Oscar benoem is. Ná ’n paar TV-rolle was hy in 1969 te sien in Downhill Racer en Marooned.
Sy bekendste prente daarna sluit in The French Connection (1971), French Connection II (1975), The Poseidon Adventure (1972), The Conversation (1974), Superman (1978), waarin hy Lex Luthor gespeel het, Hoosiers (1986), Mississippi Burning (1988), Unforgiven (1992), The Firm (1993), Crimson Tide (1995), Get Shorty (1995), The Birdcage (1996), Enemy of the State (1998), Behind Enemy Lines (2001) en The Royal Tenenbaums (2001).
Gedurende sy loopbaan is Hackman vyf keer vir ’n Oscar benoem, waarvan hy twee gewen het: vir beste akteur vir The French Connection en beste manlike byspeler vir Unforgiven. Hy het ook drie Golden Globes en twee Baftas ingepalm.
Aftrede
wysigOp 7 Julie 2004 het Hackman ’n seldsame onderhoud met Larry King gehad waarin hy gesê het hy het geen verdere rolprentprojekte in die vooruitsig nie en dat hy dink sy toneelloopbaan is verby. In 2008 het hy bevestig dat hy uit die rolprentbedryf getree het.[2]
As romanskrywer
wysigHackman het saam met die ondersese argeoloog Daniel Lenihan drie historiese fiksieromans geskryf: Wake of the Perdido Star (1999), Justice for None (2004) en Escape from Andersonville (2008). Die eerste boek wat hy alleen geskryf het, ’n storie van liefde en wraak wat in die Ou Weste afspeel, Payback at Morning Peak, is in 2011 uitgereik. ’n Polisieriller, Pursuit, het in 2013 gevolg.
Verwysings
wysig- ↑ "Eugene Allen Hackman - California, Birth Index". FamilySearch (in Duits). 30 Januarie 1930. Geargiveer vanaf die oorspronklike op 4 Maart 2016. Besoek op 26 Oktober 2014.
- ↑ Blair, Iain (5 Junie 2008). "Just a Minute With: Gene Hackman on his retirement" (in Engels). Reuters. Geargiveer vanaf die oorspronklike op 13 April 2010. Besoek op 19 Julie 2008.
Eksterne skakels
wysig- Gene Hackman in die Internet-rolprentdatabasis
- Gene Hackman in die TCM-rolprentdatabasis
Wikimedia Commons het meer media in die kategorie Gene Hackman.
Hierdie artikel is vertaal uit die Engelse Wikipedia
