Genommerde roetes in Suid-Afrika

Wikimedia lysartikel

In Suid-Afrika word die meerderheid paaie aangewys as genommerde roetes om reisigers behulpsaam te wees met hul navigasie. Die landswye nommeringstelsel bestaan uit nasionale roetes wat stede met mekaar verbind, en provinsiale en streeksroetes, wat kleiner dorpe en ander roetes op die netwerk verbind, Laastens, is daar binne die verskillende stedelike gebiede ook skemas van metropolitaanse roetenommering.[1]

Nasionale roetemerker
Provinsiale roetemerker
Streeksroetemerker
Metropolitaanse
roetemerker

NommeringstelselWysig

Die onderskeie stelsels behels die volgende skemas:[2]

  • Nasionale roetes: N1 tot N20.
  • Provinsiale roetes: R21 tot R99.
  • Plaaslike parallelle roetes: R101 tot R120.
    ('n streeksroete R1xy sal bestaan uit die padsegmente wat voorheen deel van die nasionale roete Nxy was, maar vervang is deur opgegradeerde paaie.)
  • Streeksroetes in die voormalige Kaapprovinsie: R300 tot R499.
  • Streeksroetes in die voormalige Transvaal: R500 tot R599.
  • Streeksroetes in KwaZulu-Natal: R600 tot R699.
  • Streeksroetes in die Vrystaat: R700 tot R799.

Hierdie nommer word toegeken deur die Roetenommering- en Verkeerstekensubkomitee binne die Paaiekoördinerende Liggaam, 'n organisasie wat bestaan uit verteenwoordigers van die padowerhede in die nasionale, provinsiale en plaaslike regering.

Metropolitaanse nommerstelselsWysig

 
'n Metropolitaanse roetemerker in Port Elizabeth

In die metropolitaanse nommerstelsel mag die plaaslike owerheid roetes aanwys wat bestaan uit M gevolg deur enige nommer, maar dit moet nie uit syfers bestaan wat dieselfde is as dié wat gebruik word vir nasionale, provinsiale of streeksroetes in dieselfde gebied nie. Hierdie reël is nie universeel gevolg nie, byvoorbeeld in Johannesburg waar daar beide 'n N1 en 'n M1 is.

Die volgende stede het metropolitaanse nommerstelsels:

  • Bloemfontein
  • Durban
  • Johannesburg, insluitend Krugersdorp en Ekurhuleni
  • Kaapstad (Die bord toon 'n silhoeët van Tafelberg)
  • Oos-Londen
  • Pietermaritzburg
  • Port Elizabeth (Die bord toon 'n silhoeët van die Donkin Gedenkteken)
  • Pretoria

Lyste van roetesWysig

VerwysingsWysig

  1. Falkner, John (Mei 2012). South African Numbered Route Description and Destination Analysis. National Department of Transport. p. xi. Geargiveer vanaf die oorspronklike op 6 Junie 2014. Besoek op 3 September 2014.
  2. SADC Road Traffic Signs Manual, Volume 1: Uniform Traffic Control Devices. National Department of Transport. Mei 2012. p. 8.6.1. Besoek op 3 September 2014.
Hierdie artikel is in sy geheel of gedeeltelik vanuit die Engelse Wikipedia vertaal.