Die Amerikaanse seilskip Gentoo het die Afrikaanse taal met die woord jentoe (of gentoe) as 'n sinoniem vir prostituut verryk.

In 1851 het die Britse owerheid 46 jong Ierse meisies gehuur om as huisbediendes vir die gegoede burgers in Kaapstad te kom werk. Aan boord van Ierland na Kaapstad het dit reeds tussen die bemanning en die meisies so vrolik gegaan dat die inwoners van Kaapstad geskok was toe hulle daarvan verneem. Boonop het die skip by Northumberlandpunt by Struisbaai op die rotse geloop. Van die oorlewende meisies het nie by hul werkgewers gebly nie, maar in die bordele in Koningin Victoriastraat (destyds bekend as New Street) en Keeromstraat verdwyn.

In die dorpie L'Agulhas is 'n Gentoolaan. Die juiste feite omtrent die hele gebeure rondom die meisies het nooit heeltemal aan die lig gekom nie.

Bibliografie wysig

  • Green, Lawrence G.: South African Beachcomber. Memories of the people of the shore and the stories they told; sand and dunes and treasure, seabirds and creatures of the sea; and personal impressions of certain islands in African waters. Kaapstad: Howard B. Timmins, 1958.
  • McCracken, Donal P.: A minority of a minority of a minority: the Irish in South Africa. Pisa: Pisa University Press, 2009. ISBN 978-88-8492-653-1 (op internet)
  • Turner, Malcolm: Shipwrecks and salvage in South Africa – 1505 to the present. Kaapstad: Struik, 1988. ISBN 0-86977-387-9
  • www.cliohres.net
  • www.dsae.co.za