Georges-rivier
Die Georges-rivier is 'n rivier in die staat van Nieu-Suid-Wallis in Australië. Dit ontspring suidwes van Sydney naby die steenkool myndorp Appin en vloei dan in 'n noordelike rigting verby Campbelltown rofweg parallel met die hoof suidelike spoorlyn.[1] By Liverpool draai die rivier oos en vloei verby woonbuurte soos East Hills, Lugarno, Bangor en Blakehurst voordat dit in Botanybaai uitmond naby Taren Point in die suidelike woonbuurte van Sydney.
| Georges-rivier | |
|---|---|
 | |
| Oorsprong | Hooglandmoerasse, O'Hares Creek, oos van Appin, Macarthur-streek |
| Monding | Taren Point, Nieu-Suid-Wallis Botanybaai |
| Stroomgebied | Nieu-Suid-Wallis (Australië) |
| Lengte | 96 km (60 myl) |
| Oorspronghoogte | 350 m (1 148 voet) |
| Mondinghoogte | 0 m (0 voet) |
| Stroomgebiedopp. | 930,9 km² (359 myl²) |
Hoof vertakkinge sluit in Cabramatta Creek, Prospect Creek, Salt Pan Creek en die Woronora-rivier. Die Georges-rivier is gewild vir ontspanningsaktiwiteite soos waterski en swem. Die oewers van die rivier in die laagliggende gedeeltes word gekenmerk deur breë inlate en kronkelinge langs steil sandsteenriwwe en eskarpe waarvan baie bebou is met duur en luukse woonhuise.
Die Georges-rivier het ook verskeie kunsmatige mere in die woonbuurt van Chipping Norton naby Liverpool. Hierdie mere staan bekend as die Chipping Norton Lakes en is die produk van sand- en klipwerke van die twintigste eeu. Die mere is nou gewild vir watersport en ontspanning vir die inwoners van die suidwestelike woonbuurte van Sydney.
'n Studam is oor die rivier gebou naby die Liverpool spoorweghalte in die negentiende eeu. Die Liverpool studam vorm nou die boonste getygrens waar die laaste soutwater in die Georges-rivier gevind word.
Brûe oor die Georges-rivier sluit in: Captain Cook brug (wat Sans Souci met Taren Point verbind), Tom Uglys brug (wat Blakehurst met Sylvania verbind) en Alfords Point brug (wat Padstow Heights met Alfords Point verbind).
Geskiedenis
wysigDie Georges-rivier is vernoem na Koning George III van die Verenigde Koninkryk deur Goewerneur Arthur Phillip.[2]
Hengel
wysigDie Georges-rivier is 'n gewilde gebied vir hengelaars. Verskeie spesies vis word in die rivier aangetref (blinkvis, wyting, geelstert, joodvis en platkop). Daar is ook verskeie oesterplase in die rivier. Die bolope van die Georges-rivier het volop baars tydens die somermaande wat in die wintermaande afstroom migreer na die soutwater om te broei. Afvalwater wat in die rivier invloei word versigtig beheer om die rivier se habitat te bewaar.
Verwysings
wysig| Wikimedia Commons bevat media in verband met Georges River. |
- ↑ http://www.campbelltown.nsw.gov.au/default.asp?iSubCatID=1448&iNavCatID=1402 Geargiveer 30 Julie 2008 op Wayback Machine – Die Campbelltown Stadsraad se inligtingsblad oor die Georges-rivier
- ↑ The Book of Sydney Suburbs, Saamgestel deur Frances Pollon, Angus & Robertson Publishers, 1990, Gepubliseer in Australië ISBN 0-207-14495-8, bladsy 107