Gera
Gera is 'n Duitse stad en die derde grootste nedersetting in die deelstaat Thüringen na die hoofstad Erfurt en Jena. Gera is aan die Weiße Elster-rivier geleë en vorm in administratiewe opsig 'n selfregerende munisipaliteit.
|
Gera | |
|---|---|
| Kaart | Wapen |
 | |
 | |
| Vlag | |
 | |
| Land |  Duitsland
|
| Deelstaat |  Thüringen
|
| Koördinate | 50°53′N 12°5′E / 50.883°N 12.083°O |
| Stigting (eerste verwysing) | 995 |
| Stadstatus | Omstreeks 1230 |
| Oppervlak: | |
| - Totaal | 151,93 vk km |
| Hoogte bo seevlak | 205 m |
| Bevolking: | |
| - Totaal (31 Desember 2010) | 99 262 |
| - Bevolkingsdigtheid | 653/vk km |
| Tydsone | UTC +1 (MET) |
| - Somertyd | UTC +2 |
| Burgemeester | Julian Vonarb |
| Amptelike Webwerf | www.gera.de |
Gera het historiese belang as hoofstad van die Prinsdom van Reuss jongere lyn (1848 tot 1918) en van die Volksstaat Reuss (1918 tot 1920). Met die begin van die industrialisering in die 19de eeu het Gera 'n ekonomiese en 'n vinnige bevolkingsgroei ervaar. In die bloeityd van die tekstielbedryf was Gera en van die rykste stede in Duitsland. Met die bou van die hoofstasie het Gera 'n belangrike knooppunt vir spoorwegvervoer geword.
In die Tweede Wêreldoorlog is Gera deur lugaanvalle gedeeltelik vernietig. Ná die stigting van die Duitse Demokratiese Republiek het Gera in 1952 die hoofstad van die gelyknamige distrik geword. Met die Duitse hereniging in 1990 het Gera een van drie sentrale stede in Thüringen geword.