Geweer M. 95
Die Geweer M. 95 is 'n slotaksiegeweer wat oorspronklik in Nederland en Oostenryk gemaak is in 1895. Die kaliber is 'n 6,5 mm met ronde kopkoeël en randhulsel. Die wapen weeg sowat 4,2 kg en is 1,2 meter lank. Die geweer is ook bekend aan versamelaars as die Nederlandse Mannlicher, en was die diensgeweer van die gewapende magte van Nederland tussen 1895 en 1940, wat die uitgediende Beaumont-Vitali M1871/88 vervang het.[1][2] Dit is aanvanklik deur Steyr vir die Nederlanders vervaardig, maar ná 1904 het produksie onder lisensie plaasgevind by 'n Nederlandse staatswapenfabriek in Zaandam, bekend onder die naam van die nabygeleë Hembrug.[3][4]
Alhoewel dit dikwels beskou word as gebaseer op die vroeëre Mannlicher 1893-model, is die geweer in werklikheid 'n modifikasie van die Mannlicher-geweer deur August Schriever en die Nederlandse geweerkommissie.[5][6] Die Nederlanders het sowat 470 000 M. 95's uitgereik.
Verwysings wysig
- ↑ https://nollesguns.be/dutch-bolt-action.html
- ↑ https://www.dws-xip.com/encyklopedia/kbm95-nl/
- ↑ https://www.dws-xip.com/encyklopedia/kbm95-nl/
- ↑ http://www.waroverholland.nl/index.php?page=rifle-and-carabine-m-95
- ↑ Nederlandse Vuurwapens: Landmacht en Luchtvaartafdeling, drs G. de Vries & drs B.J. Martens, p.40-56
- ↑ https://nollesguns.be/dutch-bolt-action.html