Ghebo
In die Venesiaanse dialek is die ghebi (enkelvoud: ghebo) die kanaaltjies wat die barene en die velme van die Venesiese strandmeer deurkruis en die sentrale dele met die hoofwaterweë verbind.
Die ghebi speel 'n belangrike rol in die strandmeer se ekostelsel deur die watertoevloei tydens hoogwater te reguleer; deur middel van sy dreineringsfunksies tydens eb en vloed, kan water standhoudend na die heel sentrale dele deurvloei. Die ghebi verminder ook erosie en skade wat deur die hoogwater aangerig word.
Die erosie wat vernaamlik deur menslike toedoen veroorsaak is, het die agteruitgang van die ghebi en die vertakkinge daarvan versnel. Dit bring rampsalige gevolge mee vir sowel die eksostelsel as die ghebi self.
In die Venesiaanse omgangstaal beteken ghebi ook polisieman.
| Hierdie artikel is in sy geheel of gedeeltelik vanuit die Italiaanse Wikipedia vertaal. |
