Maak hoofkeuseskerm oop

Giulio Romolo Caccini (ook Giulio Romano) (8 Oktober 1551 — begrawe 10 Desember 1618) was 'n Italiaanse komponis van die vroeë baroktydperk. Hy is veral bekend vir twee albums van arias en solo madrigale wat altwee onder die titel Le nuove musiche (die nuwe musiek) verskyn het, onderskeidelik in 1602 en 1614. Hy is een van die komponiste wat opera as genre help skep het, en het drie operas getoonset, naamlik Euridice (1600), Il rapimento di Cefalo (1600), en weer Euridice (1602). Vandag is sy grootste bekendheid egter as komponis van die madrigaal "Amarilli, mia bella".