Glen Coe

Glen Coe (Skots-Gaelies: Gleann Comhann, [klan̪ˠˈkʰo.ən̪ˠ]) is 'n vallei (glen) in die weste van die Skotse Hoogland met landskapsvorme wat deur vulkaanuitbarstings en gletsers gevorm is. Dit is in die noorde van die graafskap Argyll naby die grens met die historiese provinsie Lochaber geleë. Vandag maak dit deel uit van die administratiewe distrik (council area) Highland. Die belangrikste nedersetting is Glencoe.

Glen Coe Glen Coe Nasionale Natuurreservaat
Glen Coe
Land	Verenigde Koninkryk
Provinsie	Skotland
Naaste dorp	Glencoe
Glen Coe Glen Coe in Skotland
Koördinate: 56°40′08″N 5°1′34″W
Oppervlak	56,3 km²
Openingsjaar	2017
Bestuursliggaam	National Trust for Scotland

Die Glencoe Mountain-skisentrum

Die A82-grootpad, wat Glasgow met Fort William in die Skotse Hoogland verbind, loop deur Glen Coe

Landskapstoneel in Glen Coe. Klein bergstroompies uitspring uit die pieke wat duisende jaar gelede deur gletsers geslyp is

Een van die mees afgeleë hotelle op die Britse Eilande - Kings House Hotel

Die Skotse toerismebedryf doen moeite om toergidse maklik herkenbaar te maak vir Engelse en Amerikaanse toeriste

Die vallei was die bakermat van Skotse bergklimsport en is vandag ook gewild by stap- en wintersporttoeriste (die Glencoe Mountain-skisentrum is met skihysers toegerus). Histories word die vallei verbind met die sogenaamde Glencoe-slagting van 13 Februarie 1692 waartydens 38 manlike familielede van die Clan MacDonald of Glencoe in die nasleep van die Jakobiete-opstand deur regeringsmagte doodgemaak is. Tientalle ander, onder wie vroue en kinders, is aan blootstelling oorlede.

Eksterne skakels

Wiki-webtuistes

---

• Wikimedia Commons het meer media in die kategorie Glen Coe.

Toerisme

---

• Discover Glencoe
• National Trust for Scotland: The Highlands - Glencoe National Nature Reserve

Glen Coe op die silwerdoek

---

• Skyfall & James Bond

Media

---

• Road 82 through Glen Coe

Geologie

---

• Scottish Geology: Glen Coe, Lochaber: Scene of an ancient caldera collapse