Glimpen

'n Glimpen is ’n viltpuntpen wat gebruik word om aandag te vestig op sekere dele van ’n teks deur ’n viewe, deursigtige kleur die papier mee te merk. ’n Tipiese glimpen is geel, wat deur piranien gekleur is.

Twee glimpenne

Geskiedenis

Die moderne viltpuntpen is in 1962 in Japan deur Yukio Horie ontwerp. Die glimpen is ’n viltpuntpen wat met deursigtige fluoressentink gevul is. Avery Dennison Corporation het die naam Hi-Liter ontwerp en mee verhandel. Van daar het hierdie skryfgereedskap bekend gestaan as highlighter.

Style

’n Geel glimpen op ’n gefotostateerde blad

Baie glimpenne is in helder fluoressentkleure. Omrede die ink fluoressent van aard is, gloei dit onder ’n swartlig. Die algemeenste kleur is geel, maar dit is ook beskikbaar in pienk, blou, groen, oranje en pers. Rooi glimpenne kan ook aangekoop word saam met ’n groen deurskynende vel wat die onderstreepte materiaal versteek. Hierdie produk is in Japan, party ander lande en ook deur die internet te koop. Party geel glimpenne kan vir die blote oog ietwat groenerig vertoon.

Glimpenne is in ’n verskeidenheid vorm beskikbaar; party se viltpunte kan teruggetrek word, terwyl ander weer ’n uitveër het. Party het ’n driehoekige “trilighter” pen met verskillende kleure aan elke hoek van ’n enkele viltpunt.

Droë glimpenne (soms drooglyn glimpenne “dry line highlighters) genoem, het repies lint wat op dié lyk van klankkassetbande. Dit kan anders as standaard glimpenne maklik uitgevee word. Hulle word onderskei van die “drymark highlighters” wat nuttig is om boeke mee te merk wat baie dun bladsye het.

Ander gebruike

• Kunstenaars gebruik glimpenne om prente mee te teken.
• Glimpenne word ook in hedendaagse woordverwerkerprogrammatuur en webblaaiers gebruik.