Goue Vryheid

Die historiese term Goue Vryheid (Latyn: Aurea Libertas, Pools: Złota Wolność), soms ook Goue Vryhede, Adelsdemokrasie of Adellike Gemenebes genoem, verwys na 'n unieke politieke stelsel in die Koninkryk Pole (1385-1569) en later, ná die Unie van Lublin (1569), in die Pools-Litause Gemenebes, waarmee die plaaslike adel 'n soort oligargiese heerskappy ingevoer het.

Die Republiek (Rzeczpospolita) op die hoogtepunt van sy mag. Goue Vryheid. Die Vrye Koninklike Verkiesing van 1573, deur Jan Matejko

Volgens hierdie stelsel het alle adellikes ("szlachta"), wat oor landbesit beskik het, gelyke uitgebreide regte en voorregte geniet. Die adellikes het sowel die wetgewende orgaan, die Sejm of Poolse parlement, asook die Gemenebes se koning as verkose staatshoof oorheers.