Greg Albertyn
Greg Albertyn (gebore 13 Oktober 1973 in Johannesburg) is 'n voormalige Suid-Afrikaanse motocross-renjaer (motorfiets-veldrenjaer). Hy het al 12 keer die wêreld- en Amerikaanse motocross en -supercrosskampioenskappe gewen. Supercross is 'n hoogs tegniese weergawe van motocross wat op spesiaal opgerigte hindernisbane, byvoorbeeld in sportstadions, gejaag word.[1]
Albertyn wen sy eerste wêreldtitel in 1992 in die 125cc-klas. Die daaropvolgende jaar skuif hy op na die 250cc-klas en wen met sy eerste poging. Hy het sy titel in 1994 suksesvol verdedig, wat aan hom 'n driekuns van wêreldtitels besorg het.[2]
Hy is deur die Suid-Afrikaanse Gilde van Motorjoernaliste (SAGMJ) as die Motorsportman van die Jaar vir 1992 aangewys. Dit volg nadat hy, as Suid-Afrika se enigste wêreldkampioen op daai tydstip, nie vir die Sportman van die Jaar oorweeg is nie.[3]
Prestasies wysig
- 1992: Wêreldkampioen 125cc
- 1993: Wêreldkampioen 250cc
- 1994: Wêreldkampioen 250cc
- 1999: Buitemuurse nasionale kampioen 250cc
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Greg Albertyn se profiel op bestsports.com.br, besoek op 3 Januarie 2015
- ↑ Greg Albertyn kry oplaas sy verering, Beeld, 15 Mei 1993