Grozni
Grozni (Russies: Гро́зный; Tsjetsjnies: Соьлжа-ГIала, Solzja-Gala) is die hoofstad van die Republiek van Tsjetsjnië, ’n federale deelgebied van Rusland. Dit is aan die Soenzja-rivier geleë. Die bevolking in 2013 was 277 414.
Grozni Грозный Соьлжа-ГIала | |
|---|---|
Stad | |
 | |
.svg) Vlag .svg) Wapen | |
.svg) Die ligging van Tsjetsjnië in Rusland | |
  Grozni Die ligging van Grozni in Tsjetsjnië | |
| Koördinate: 43°19′54″N 45°38′41″O / 43.33167°N 45.64472°O | |
| Land |  Rusland |
| Deelgebied | Tsjetsjnië |
| Stigting | 1818 |
| Regering | |
| • Tipe | Stad-okroeg |
| • Burgemeester | Islam Kadirof[1] |
| Bevolking | |
| • Totaal | 277 414 |
| Tydsone | UTC+04:00 |
| Webwerf | http://grozny-virtual.su |
Tsjetsjniese Oorloë
wysig
Ná die verbrokkeling van die Sowjetunie wou Tsjetsjnië wegbreek van Rusland en in 1993 het dit sy onafhanklikheid verklaar as die Tsjetsjniese Republiek van Itsjkerië onder Dzjochar Doedajef. Die Russiese regering het probeer om Doedajef se bewind omver te werp, maar dit het misluk. Eindelik is besluit om die wegbreekrepubliek aan te val.
Tydens die eerste Tsjetsjniese Oorlog was Grozni van Desember 1994 tot Februarie 1995 die verhoog van intense gevegte, waarna die Russiese weermag die stad weer oorgeneem het. ’n Groot deel van die stad is toe vernietig.
Guerrillavegters het die weermag daarna van die berge af aangeval en die troepe het hulle eindelik onttrek. In Augustus 1996 het ’n militante mag van 1 500 tot 3 000 rebelle die stad weer verower en ’n skietstilstand is afgekondig.
In die Tweede Tsjetsjniese Oorlog was die stad weer die middelpunt van gevegte en duisende mense is dood. Die finale Russiese oorname van die stad was op 6 Februarie 2000 toe die Russiese vlag in die middestad gehys is. Talle geboue en selfs hele gebiede is platgeskiet. ’n Maand later is aangekondig dat dit weer veilig vir die inwoners is om terug te keer, hoewel die verwoesting van die stad daarna nog voortgeduur het. In 2003 het die Verenigde Nasies Grozni die mees verwoeste stad op aarde genoem.[2]
Ná die oorloë
wysigVandag is die federale regering se verteenwoordigers in Grozni gestasioneer. Die stad word stelselmatig herbou.
Die grootste deel van die stad se infrastruktuur is in die oorloë vernietig en baie mense het in verwoeste geboue sonder water of verhitting gewoon terwyl bouwerk aan die gang was.[3] Daar word beplan om sowat 45 000 van die stad se 79 000 woonstelblokke van voor die oorlog te restoureer; die res is heeltemal verwoes.[4]
Die stad se lughawe is in 2007 heropen met drie vlugte per week na Moskou. In 2009 het dit weer internasionale status gekry. Die Grozni-moskee in op 16 Oktober 2008 heropen en word beskou as een van die grootste moskees in Rusland.
Verwysings
wysig- ↑ (ru) Мэром Грозного стал Ислам Кадыров
- ↑ "Programmes | From Our Own Correspondent | Scars remain amid Chechen revival" (in Engels). BBC News. 3 Maart 2007. Geargiveer vanaf die oorspronklike op 28 April 2020. Besoek op 5 Mei 2009.
- ↑ Under Iron Hand of Russia’s Proxy, a Chechen Revival
- ↑ "Under the Kremlin's iron hand, Chechnya is reborn". Geargiveer vanaf die oorspronklike op 21 Oktober 2007. Besoek op 21 Oktober 2007.
- Olga Oliker, Russia's Chechen Wars 1994–2000: Lessons from Urban Combat. (Santa Monica CA: RAND Arroyo Center, 2001)
Eksterne skakels
wysig- Grozni-forums Geargiveer 13 Julie 2011 op Wayback Machine
- Foto's van Grozni Geargiveer 14 Mei 2014 op Wayback Machine
- Geskiedenis Geargiveer 6 Julie 2018 op Wayback Machine
- Moderne Grozni Geargiveer 5 Maart 2009 op Wayback Machine
- Foto-essay, Time
Wikimedia Commons het meer media in die kategorie Grozni.
Hierdie artikel is vertaal uit die Engelse Wikipedia
