Guanche-mummie van Madrid
Die Guanche-mummie van Madrid is 'n Guanche-mummie wat nou ten toon gestel word in die Nasionale Argeologiese Museum in Madrid, Spanje.
._Spain.jpg)
Die mummie is van 'n man tussen 30 en 34 jaar en is in 'n uitstekende toestand. Dit dateer vermoedelik van die 12de of 13de eeu en is volgens kenners die bes bewaarde Gaunche-mummie in die wêreld. Dit is in Barranco de Herques, suid van Tenerife, tussen die dorpe Fasnia en Güímar, ontdek. Dit is in die 18de eeu in Madrid as 'n geskenk aan koning Karel III van Spanje gegee.[1] Dit was aanvanklik in die Koninklike Biblioteek en is nou in die Nasionale Argeologiese Museum.
Tenerife het daarop aangedring dat Madrid die mummie aan die eiland terugbesorg.[2]
