Guillemet

Guillemets [gijˈmɛ], ook Guillemets français genoem, is aanhalingstekens wat uit twee gelykvormige spitshoek-strepies bestaan en tipografies in onderkas gebruik word. Daarnaas is ook 'n variant gebruiklik wat uit een enkele spitshoek-strepie bestaan. Guillemets, wat na binne wys, word ook omgekeerde Franse aanhalingstekens of chevrons (in die Duitse omgangstaal ook Möwchen of "meeutjies") genoem.

Franse aanhalingstekens of guillemets word ook in ander Romaanse tale, in Noors en Russies gebruik. Hul gebruik is daarnaas verpligtend vir alle vier ampstale van Switserland en Duits in Liechtenstein

Chevrons is gewild in die Duitse en Oostenrykse tipografie omdat hulle 'n elegante voorkoms aan gedrukte teks gee. Hulle is die standaard in die skone lettere of belletrie

Engelse aanhalingstekens word in Frans guillemets anglais genoem. Hulle is minder elegant as die Franse variant

Vir gedrukte Duitse publikasies is chevrons 'n gewilde alternatief omdat hulle aan teks 'n meer elegante voorkoms gee as die gewone Duitse „aanhalingstekens” waarvan 'n “variant” ook in Afrikaans gebruiklik is. Maar ook die oorspronklike Franse guillemets is gewild by boekdrukkers.

Geskiedenis

Guillemets is reeds in 1527 gebruik om aanhalings te merk. Die Franse benaming guillemet is vir die eerste keer in Michel de Marolles se werk Considérations en faveur de la langue françoise au sujet d'un livre intitulé ("Oorwegings ten gunste van die Franse taal"; françoise volgens die destydse taalgebruik) gedokumenteer wat in 1677 gepubliseer is. Die teks verwys na Guillaume II Le Bé wat die aanhalingstekens na bewering in 1622 ingevoer het (alhoewel die skrywer later verkeerd bewys is). Guillemet is 'n verkleinvorm van die voornaam Guillaume (Afrikaans en Nederlands: Willem).

Die Franse tipograaf en universele geleerde Etienne Dolet (1509−1546) het die guillemets français in 1540 as dubbele halfkringe beskryf ('n soort ronde hakies). Hierdie ronde aanhalingstekens is in Frans steeds gebruiklik vir klassisistiese Antiqua-lettertipes.

Eksterne skakels

• Wikimedia Commons het meer media in die kategorie Guillemet.