Hồ Chí Minh-roete
Die Hồ Chí Minh-roete (wat ook in Viëtnam bekend staan as die "Trường Sơn-roete") was 'n logistieke stelsel wat van die Demokratiese Republiek van Viëtnam (Noord-Viëtnam) deur die koninkryke van Laos en Kambodja geloop het na die Republiek van Viëtnam (Suid-Viëtnam). Die stelsel het steun verleen in die vorm van mannekrag en voorrade aan die Nasionale Bevrydingsfront (NLF) (die Viëtkong of "VC" deur sy teenstanders) en die People's Army of Vietnam (PAVN), die staande Noord-Viëtnamese leër, tydens die Viëtnamoorlog.
Dit is deur die Amerikaners vernoem na die Noord-Viëtnamese president Hồ Chí Minh. Alhoewel die roete meestal in Laos was, het die kommuniste dit die Trường Sơn Strategiese Toevoerroete (Đường Trường Sơn) genoem, na die Viëtnamese naam vir die Annamitiese reeks-berge in Sentraal-Viëtnam.[1] Die Noord-Viëtnamese noem dit ook die Roete 559, na die mans en vroue van Korps 559. In die oerwoud het hulle 'n doolhof van bospaadjies van 19 000 kilometer gelê waarlangs soldate en toerusting na die Suide beweeg het.[2]
Volgens die Amerikaanse veiligheidsagentskap se amptelike geskiedenis van die oorlog was die roete-stelsel "een van die groot prestasies van militêre ingenieurswese van die 20ste eeu." Die roete was in staat om troepe wat in die suide geveg het voldoende te bevoorraad, 'n militêre prestasie, ongeag die feit dat dit die plek was van die enkele mees intense bombardementveldtog in die geskiedenis beleef het.[3] Bomme het gemiddeld elke sewe minute op die roete ontplof.[4]
Verwysings
wysig- ↑ Military History Institute of Vietnam, Victory in Vietnam: The Official History of the People's Army of Vietnam, 1954–1975 (trans. by Merle Pribbenow, Lawrence), Kansas: University of Kansas Press, 2002, bl. 28.
- ↑ K. BURNS en L. NOVICK, The Vietnam War, Deel 4.
- ↑ Robert J. Hanyok, Spartans in Darkness. Washington, D.C.: Center for Cryptographic History, NSA, 2002, p. 94.
- ↑ TED-Ed (14 Maart 2013). "The infamous and ingenious Ho Chi Minh Trail - Cameron Paterson" (in Engels). Geargiveer vanaf die oorspronklike op 1 Maart 2020. Besoek op 17 Junie 2018.
| Hierdie artikel is in sy geheel of gedeeltelik vanuit die Engelse Wikipedia vertaal. |
