Hat Yai Internasionale Lughawe

Hat Yai Internasionale Lughawe (Thai: ท่าอากาศยานหาดใหญ่) (IATA: HDY, ICAO: VTSS) is 'n internasionale lughawe naby die stad Hat Yai, in die Songkhla-provinsie van Thailand. Dit is onder die bestuur van Airports of Thailand, PLC (AOT). Dit bedien meer as 1,5 miljoen passasiers per jaar, met 9 500 vlugte en 12 000 ton vrag.

Oorsig

Die lughawe lê op lengtegraad 100° 23' 55" O en breedtegraad 06° 55' 46" N, 28 m bo seespieël, 9 km oos van die sentrum van Hat Yai en 43 km oos van die stad Songkhla. Hoofweg 4135 (Sanambin Panijweg) skakel na die lughawe. Die diensure is 06:00–24:00. Die aanloopbaan kan 30 vlugte per uur hanteer en sy duursaamheid word op PCN 60/F/C/X/T gegradeer. Daar is sewe taxipaaie en 'n peronoppervlakte van 56 461 m².

Uitbreiding

Daar word tans vir uitbreidings beplan, aangesien die lughawe ontwerp is vir 2,5 miljoen passasiers, en reeds in 2018 4,5 miljoen passasiers ontvang het. Die opgradering sal die lughawe se kapasiteit uitbrei om meer as 10 miljoen passasiers teen 2030 te bedien.

Galery

• 
  Hat Yai Internasionale Lughawe se Binnelandse Terminaal
• 
  Aankomssaal
• 
  Hek 4
• 
  Thai AirAsia Airbus A320

Eksterne skakels

• Hat Yai Internasionale Lughawe, amptelike webwerf.