Hebefilie
Hebefilie is ’n sterk seksuele voorkeur by volwassenes vir kinders in hul vroeë puberteitsjare, gewoonlik van 11 tot 14 jaar oud en met ’n Tannerontwikkelingsfase van 2 tot 3.[1] Dit verskil van pedofilie (die seksuele voorkeur vir kinders voor hulle puberteit) en van efebofilie (die voorkeur vir laattieners, gewoonlik van 15 tot 19 jaar).[1][2][3]
Beskrywing
wysigTerwyl sommige mense met ’n voorkeur vir volwassenes kan dink tieners is aantreklik, stel navorsers voor hebefilie dui spesifiek op ’n voorkeur vir tieners bo volwassenes.[2][4] Die ouderdomsomvang van hebefilie is benaderd, want die begin en einde van puberteit wissel.[1] Meisies is gemiddeld 10 of 11 jaar oud wanneer puberteit begin en seuns 11 of 12.[5] Daarom toon sommige definisies van chronofilies (seksuele voorkeure vir ’n spesifieke ouderdomsgroep) oorvleueling tussen pedo-, hebe- en efebofilie.[2]
Voorstanders van die kategorisering van hebefilie reken die skeiding tussen ’n seksuele voorkeur vir kinders voor puberteit en dié vir tieners tydens of ná puberteit is klinies relevant.[2][3] Volgens navorsing deur Ray Blanchard et al. (2009) kan manlike seksoortreders verdeel word in groepe volgens die verkose ouderdom van hulle slagoffers na aanleiding van hulle erektiele reaksiepatrone. Hy het voorgestel dat die DSM-5 om hierdie rede die bestaande diagnose van pedofilie verdeel in hebefilie en ’n enger definisie van pedofilie.[3] Sy voorstel om hebefilie in die DSM-5 op te neem was omstrede[1][2][6] en is nie aanvaar nie.[7]
Hebefilie word nie algemeen as ’n parafilie of geestesteuring erken nie en daar word aansienlik debat gevoer of dit as enigeen van die twee geklassifiseer behoort te word.[1]
Verwysings
wysig- ↑ 1,0 1,1 1,2 1,3 1,4 Stephens S, Seto MC (2015). Phenix A, Hoberman H (reds.). Sexual Offending: Predisposing Antecedents, Assessments and Management. Springer. pp. 29–41. ISBN 978-1493924165.}
- ↑ 2,0 2,1 2,2 2,3 2,4 Prentky, R.; Barbaree, H. (2011). "Commentary: Hebephilia--a would-be paraphilia caught in the twilight zone between prepubescence and adulthood". The Journal of the American Academy of Psychiatry and the Law. 39 (4): 506–510. PMID 22159978.
- ↑ 3,0 3,1 3,2 Blanchard, R.; Lykins, A. D.; Wherrett, D.; Kuban, M. E.; Cantor, J. M.; Blak, T.; Dickey, R.; Klassen, P. E. (2009). "Pedophilia, Hebephilia, and the DSM-V". Archives of Sexual Behavior. 38 (3): 335–350. doi:10.1007/s10508-008-9399-9. PMID 18686026.
- ↑ Moser, C. (2009). "When is an Unusual Sexual Interest a Mental Disorder? (letter to the editor)". Archives of Sexual Behavior. 38 (3): 323–325. doi:10.1007/s10508-008-9436-8. PMID 18946730.
- ↑ Kail, RV; Cavanaugh JC (2010). Human Development: A Lifespan View (5de uitg.). Cengage Learning. pp. 296. ISBN 978-0495600374.
- ↑ Wakefield, J. C. (2011). "The DSM-5's Proposed New Categories of Sexual Disorder: The Problem of False Positives in Sexual Diagnosis". Clinical Social Work Journal. 40 (2): 213–223. doi:10.1007/s10615-011-0353-2.
- ↑ Singy, Patrick (18 April 2015). "Hebephilia: A Postmortem Dissection". Archives of Sexual Behavior. 44 (5): 1109–1116. doi:10.1007/s10508-015-0542-0. PMID 25894647.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
