Heksekring

‘n Heksekring wat in die volksverhale voorkom, is meesal ‘n sirkel wat gevorm word deur paddastoele. Die feetjies dans in die maanlig in die rondte op so ‘n kring paddastoele en vergader binne die sirkel. Daar is geglo dat dit vir ‘n mens gevaarlik is om deur so ‘n kring te stap, want hekse kan dan siektes by so ‘n persoon veroorsaak. In ander volksverhale bring dit juis weer geluk.

'n Heksekring in 'n woud.

So ‘n kring is in werklikheid die gevolg van ‘n paddastoel wat in die middel van die sirkel gestaan het en sy spore na alle kante uitgeskiet het voordat dit verwelk het.

Feetjies wat aanhoudend in ‘n kring op dieselfde plek dans, was in die folklore ook soms die gewaande oorsaak van ‘n kring dooie gras. Dit is egter die gevolg van ‘n swam wat die gras se wortels aantas.

In Duits staan die verskynsel bekend as Feenringe (‘’kringe van die feetjies’’) en in Engels as fairy rings.

Bibliografie

• Hendrikson, Robert: The encyclopedia of words and phrase origins. Londen: MacMillan, 1987. ISBN 0-333-46089-8