Maak hoofkeuseskerm oop

In die Griekse geskiedenis stem Hellenistiese Griekeland ooreen met die tydperk tussen die dood van Alexander die Grote in 323 v.C en die anneksasie van die Klassieke Griekse hartland deur Rome in 146 v.C.

Tydens die Hellenistiese tydperk het die belangrikheid van Griekeland in die Griekssprekende wêreld skerp gedaal. Die twee grootste sentrums van dié tyd was Alexandrië en Antiochië. Stede soos Pergamon, Efese, Rhodos en Seleucië was ook belangrik, en die toenemende verstedeliking van die Middellandse See-gebied was kenmerkend van die tydperk.