Heriotdale is 'n voorstad van Johannesburg in Suid-Afrika, in die voormalige "Area 9". Dis sowat 8 km oos van die stadsaal geleë.

Heriotdale
Heriotdale is in Gauteng
Heriotdale
Heriotdale
 Heriotdale se ligging in Gauteng
Koördinate: 26°12′36″S 28°6′58″O / 26.21000°S 28.11611°O / -26.21000; 28.11611Koördinate: 26°12′36″S 28°6′58″O / 26.21000°S 28.11611°O / -26.21000; 28.11611
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
Oppervlak
 • Totaal0,93 km2 (0,36 vk. myl)
Bevolking
 (2011)[1]
 • Totaal7
 • Digtheid8/km2 (20/vk. myl)
Rasverdeling (2011)
 • Swart mense100.0%
Taal (2011)
 • Tswana 42.9%
 • Noord-Sotho 28.6%
 • Zoeloe 14.3%
 • Venda 14.3%
Op dié Johannesburgse straatkaart van 1929 word Heriotdale nog nie as 'n dorpsgebied aangedui nie.

Heriotdale beslaan sowat 0,6 km² in Johannesburg se munisipale gebied, plus nog ’n gedeelte van 0,1 km² oorkant die stad se grens met Ekurhuleni in wat destyds die stad Germiston was. Die twee dele word geskei deur Laer-Germistonweg. In die noorde grens albei aan die M2 (François Oberholzer-snelweg) en albei lê noord van Rosherville en die Simmer & Jack-myn. Heriotdale, Johannesburg, lê suid van Cleveden en Cleveland asook The Gables, en Heriotdale, Germiston, suid van Malvern-Oos en Wychwood.

Die Johannesburgse voorstad is uitgelê op die plaas Doornfontein, in Oktober 1946 geproklameer en na die uitgediende Heriotmyn genoem wat in 1887 gestig is. Die myn se naam is na bewering afgelei van die Skotse goudsmid George Heriot (1563–1624), die "Jingling Geordie" in sir Walter Scott se roman The Fortunes of Nigel. Sommige kenners beweer egter die myn is genoem na Heriot in Midlothian, Skotland, ’n naam wat in 1164 voorkom as Herth en in 1198 as Hereget, wat daarop dui dat dit afgelei is van Ou-Engels here-geat, wat ’n gaping of opening in die heuwels waardeur ’n leër dalk kan beweeg"beteken.

Heriotdale was nog altyd ’n nywerheidsgebied. Tussen 1934 en 1961 is net een keer munisipale kiesers hier getel, drie Engelssprkeendes in 1961. In die sensus van 2011 is 13 bewoners aan die Germistonse kant getel en sewe aan die Johannesburgse kant, van wie 19 swart was en een Indies/Asies.

Bronne wysig

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings wysig

  1. 1,0 1,1 1,2 1,3 "Subplek Heriotdale". Sensus 2011.


  Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.