Hessenpark
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Hessenpark | |
| |
Markplein met vakwerkhuise en apteek
| |
| Plek | Neu-Anspach, Hesse |
|---|---|
| Land | Duitsland |
| Openingsjaar | 1974 |
| Geopen deur | Albert Osswald (SPD) |
| Tipe museum | Opelugmuseum |
| Webtuiste | Hessenpark |
Die Hessenpark is 'n opelugmuseum naby Neu-Anspach in die administratiewe distrik Hochtaunuskreis van die Duitse deelstaat Hesse.
Die park, wat in 1974 deur die Hessiese deelstaatregering onder die eerste minister Albert Oswald (SPD) gestig en in die Taunus-bergreeks geleë is, het tot 'n gewilde bestemming vir uitstappies ontwikkel.
Konsep
wysig
Die opelugmuseum het vir homself verskillende doelwitte gestel:
- Die bewaring van historiese geboue uit Hessiese streke. So is voorbeelde van vakwerkhuise uit die hele deelstaat Hesse na die park verskuif, net soos twee windmeule uit Noord-Duitsland (1985–1987). Tans is daar meer as 100 geboue in die park.
- Die park gee 'n indruk van die plattelandse lewe in die verskillende streke van Hesse. Hiervoor is 'n reeks bouafdelings geskep.
- Die kennis van tradisionele boumetodes word bewaar.
- Tradisionele ambagte word bewaar en vir die publiek vertoon.
- Die museum se geboue huisves uitstallings oor Hessiese onderwerpe. So kan in die Taunushuis 'n permanente uitstalling oor die Taunus-bergreeks besigtig word.
- Tradisionele landboumetodes word vertoon en aktief gebruik om ou plant- en dierspesies vir die nageslag te bewaar.
- Die park is aktief by omgewingbewaringsprojekte betrokke.
Eksterne skakels
wysig
Wikimedia Commons het meer media in die kategorie Hessenpark.- (de) Amptelike webwerf
