Hiponiem

'n Hiponiem is 'n woord wat verwys na 'n subklas of onderafdeling van 'n omvattender of algemener klas. As voorbeeld: Tamaties, wortels, kool en boontjies is hiponieme (of name van subklasse) van die hoofklas "groente".

Die term kom vanuit Grieks: υπονύμιον, wat "onder(liggende) naam" beteken. Die woorddeel "hipo" beteken "onder" en "niem" beteken "naam" of "benaming".

Hiponieme word dikwels in woordeboeke aangetref. Byvoorbeeld:

• Pistool: 'n pistool is 'n vuurwapen wat...
• Rewolwer: 'n rewolwer is 'n vuurwapen wat...
• Trein: 'n Trein is 'n voertuig wat...
• Fiets: 'n Fiets is 'n voertuig wat...

Die teenoorgestelde van 'n hiponiem is 'n hiperoniem.

Eksterne skakels

• Wikiwoordeboek het 'n inskrywing vir hiponiem.