Historiese kritiek
Historiese kritiek of skrifkritiek is die oorkoepelende naam vir verskeie metodes van skrifhantering, waar die teoloog homself die reg toeëien om die teks self te bevraagteken. Hier gaan dit nie oor 'n soeke na die oorspronklike teks nie, maar oor 'n bevraagtekening van die teks self. Historiese kritiek gaanoor baie meer as net die "bevraagtekening" van die teks. Dit gaan ook oor die soeke na die historisieit van die teks. Wat byvoorbeeld duidelik in die Bybel as geskiedenis en werklike gebeure beskryf word, se akkuraatheid en waarheid word bevraagteken.
Die Christelike Kernensiklopedie verduideik dit so: "Dit is ’n wetenskaplike metode om die antieke teks van die Bybel te verstaan in die lig van die historiese oorsprong, die tyd en plek waarin dit geskryf is, die bronne (indien enige), asook die gebeure, datums, persone, plekke en kulturele gebruike wat in die teks genoem of geïmpliseer word. Die primêre doel is gewoonlik om die bedoeling van die teks in die oorspronklike, historiese konteks te verstaan."
