Hoërskool Aurora

Hoërskool Aurora is 'n middelbare skool op die Sandveldse dorpie Aurora.

Geskiedenis

Tydens die lang bediening van ds. J.C. Smit (1922 tot 1947) in die plaaslike NG gemeente, het die skool aangegroei tot 'n hoërskool en is koshuisgeriewe vir 130 kinders daargestel. Deur die jare het die ontvolking van die platteland daartoe gelei dat die Hoërskool Aurora weer afgeskaal is tot net 'n middelbare skool, hoewel hy steeds die naam van hoërskool dra.

Huidige situasie

In 2008 was die leerdertal 193 van gr. 1 tot gr. 9, met 21 leerders in die laagste sowel as in die hoogste graad. Die skoolhoof in daardie jaar was mnr. J.P. van Wyk.