Hoërskool President, Johannesburg
Die Hoërskool President is ’n dubbelmedium- sekondêre skool in Ridgeway, ’n suidelike voorstad van Johannesburg.
Sedert die verengelsing van die Hoërskole Die Fakkel (in Forest Hill) en J.G. Strijdom (in South Hills, nou Diversity High School) is dit die enigste hoërskool in die suide van die Goudstad waaraan vakke deur medium Afrikaans onderrig word.
Die skool het in 1967 geopen as die Ridgewayse Hoërskool vanweë die instroming van Afrikaners na Johannesburg in die vroeë 1960’s. Dit het daartoe gelei dat die Hoërskool Die Fakkel onvoldoende plek vir al die leerlinge gehad het. Reeds in 1969 is die skool se naam verander na die Hoërskool President. Weens die afname in die suide van Johannesburg se Afrikaanse bevolking, het President in 2005 ’n nuwe era as tweetalige skool betree.
Bron wysig
- (af) Die skool se webtuiste. URL besoek op 25 Oktober 2017.