Hoërskool Volksrust

Hoërskool Volksrust is 'n sekondêre skool in Volksrust in Mpumalanga, Suid-Afrika.

Hoërskool Volksrust
Skool Wapen

Leuse Sic Vos Non Vobis
Tipe Staatskool
Hoof Mnr. Jan Ferreira
Grade 8-12
Adres Hoek van Govan Mbeki en Adelaide Thambo Straat
Stad Volksrust
Provinsie Mpumalanga
Land Suid-Afrika
Koshuis(e) Tienerhof (Meisies)
Horison (Seuns)
Webblad www.vhs.co.za

Geskiedenis wysig

Die onderwysgeskiedenis van Volksrust begin in 1894 toe mejj. King en Thompson ‘n skool begin het in die Wesleyaanse kerk. Hierdie kerkie bestaan nog as die Metodiste gemeente se kerksaal.

Die eerste regeringskool van ZAR is in 1897 geopen in die Abernethysaal in Joubertstraat. Die eerste hoof / onderwyser was mnr. Ross. Later het ‘n mnr. Roman die pos beklee. Skoolgeskiedenis maak in hierdie vroeë jare ‘n paar eienaardige draaie as gevolg van botsende persoonlikhede en belange. Na die Anglo Boere-oorlog met Lord Milner se verengelsingsbeleid word die eerste CNO-skool gestig in wat vandag as die “ou saaltjie” van die Hervormde kerk bekend staan. Die skool vir Christelike Nasionale Onderrig is in 1903 gestig. Die staatskool en die CNO-skool smelt in 1905 saam. In dieselfde jaar open ‘n tweede “staatskool” op die hoek van Kruger- en Schoonstrate. Die skool was bekend as die “Primary School” of “Free School”. Die staatskool in Joubertstraat, “Rooi skooltjie”, (Bonnie-Jo Kleuterskool), bly voortbestaan as die “Secondary School of “Paying School”. In 1906 smelt hierdie twee skole – “Free School” en “Paying School”, saam. Die skool is gevestig in die oorspronklike gedeelte van die huidige Pionierskool. Mnr. A Stephen is aangestel as hoof. Die eerste inskrywings op die rol lees: 247 leerlinge en 9 leerkragte.

Teen 1919 was die aantal leerlinge reeds 550. Die Pionierskool, sinkgeboutjie op die hoek van Kruger- en Schoonstrate, sowel as die “Rooi skooltjie” in Joubertstraat, is as klaskamers gebruik. Op 21 Januarie 1920 word die “Rooi baksteengebou” in Joubertstraat – vandag deel van Pionier Laerskool – geopen. Die behoefte aan meer hoërskole in die Transvaal word uiters dringend. Die Onderwys Departement besluit om nog elf skole in die provinsie te bou. In 1921 is begin met die bou van hierdie skole. In 1921 was mnr. Strasheim hoof. In dieselfde jaar is hy opgevolg deur mnr. J.S. Malherbe. Een van die eerste personeellede van die “nuwe” hoërskool was mnr. R.A. Meyers. Hy het gou die bynaam onder die leerlinge gekry van Ram Eyers! In die jare 1938–1948 was hy ook dan hoof van die skool. In 1938 word die hoeksteen gelê vir die huidige hoërskoolgebou, deur Ds. Ignatius de Wet, wat vir 25 jaar voorsitter was van die skoolbestuur. Mnr. R.A. Meyers tree in 1948 af en mnr. P.J.J. Swart word in 1949 hoof.

Beide laerskool- as hoërskoolleerlinge van omliggende dorpe en plase is gehuisves in die Francina Uys koshuis vanaf 1929. Die koshuis is in 1941 deur die Provinsiale Administrasie oorgeneem van die Gereformeerde / Hervormde Kerk. In die tyd het dit uitsluitlik ‘n meisieskoshuis geword. Die seuns is gehuisves in die ou “Grand Hotel” naby die stasie, wat vir die doel gehuur is. Die gebou het tot en met 1947 as koshuis gedien. Op 28 Februarie 1947 het die Administrateur van Transvaal, mnr. Jac Pienaar, die “Moderne” hoërskoolkoshuis geopen. Dit het blyplek verskaf aan 130 seuns en dogters. Die koshuis het as Huis De Wet bekend gestaan, vernoem na Ds. Ignatius de Wet. In 1951 word die nuwe skoolkleure aanvaar: swart, rooi en ougoud. In 1959 word mnr. A. van Rooijen hoof.[1]

Bekende oud-leerlinge wysig

Verwysings wysig

  1. http://vhs.co.za/administrasie/geskiedenis/ Geskiedenis vanaf VHS se webwerf

Eksterne skakels wysig