Hoekmomentum

In fisika is die hoekmomentum die rotasie ekwivalent van lineêre momentum. Dit kan meer spesifiek beskryf word as die moment van lineêre momentum. Die hoekmomentum van 'n voorwerp bly konstant indien daar geen eksterne moment (wringkrag) toegepas word nie.

Hierdie giroskoop bly as gevolg van hoekmomentum regop terwyl dit in die rondte tol.

Verwantskap Tussen Lineêre- en hoekmomentum

Lineêre momentum is direk eweredig aan die massa $m$ en die snelheid $v$ van 'n voorwerp, net so is hoekmomentum direk eweredig aan die traagheidsmoment $I$ en hoeksnelheid $\omega$ van die voorwerp

Vir die hoekmomentum om punt $O$ vir 'n partikel is die verwantskap tussen lineêre momentum en hoekmomentum as volg:

$L_{O}=rp$

waar:

• $L_{O}$ die hoekmomentum om punt $O$ is.
• $r$ die afstand vanaf die partikel se massamiddelpunt tot die punt $O$.
• $p$ is die lineêre momentum van die partikel.

Verandering in hoekmomentum

Die verandering in hoekmomentum ${\dot {H}}$ vir 'n tydstip is gelyk aan die som van eksterne momente $\Sigma M_{O}$ wat wiskundig as volg voorgestel word:

${\dot {L_{O}}}=\Sigma M_{O}$