Hoeveelheidslys

’n Hoeveelheidslys is ’n dokument wat in die tenderproses in die boubedryf gebruik word. Dit dui aan watter materiale, onderdele en werk (saam met hul kostes) benodig gaan word. Dit verskaf ook besonderhede oor die terme en voorwaardes van die konstruksie- of herstelkontrak en spesifiseer al die werk sodat die kontrakteur in staat is om ’n prys te bepaal vir die werk waarvoor hy aansoek doen. Die hoeveelhede kan in getal, lengte, area, volume, gewig of tyd gemeet word. Die voorbereiding van ’n hoeveelheidslys vereis dat die ontwerp voltooi is en dat ’n spesifikasie voorberei is. Die hoeveelheidslys word aan tenderaars verskaf sodat hulle ’n prys vir die voltooiing van die werk kan vasstel. Die hoeveelheidslys help ook die tenderaars tydens die berekening van boukoste vir hulle tender en – aangesien voornemende kontrakteurs met dieselfde hoeveelhede werk (eerder as om self hoeveelhede vanaf die tekeninge en spesifikasies uit te werk) – is dit ook ’n regverdige en akkurate tenderstelsel.

Skep van ’n hoeveelheidslys

Hoeveelheidslyste word deur bourekenaars en gebouberamers voorberei en die professionele, afsonderlike beroep van bourekenaar is juis toe te skryf aan die opstel van hoeveelheidslyste.

Die historiese praktyk om boukostes op hierdie manier te skat het ontstaan uit nie-kontraktuele mates wat van tekeninge afgeneem is om tenderaars te help om enkelbedragpryse vas te stel.

Daar is hoofsaaklik twee vorme van hoeveelheidslyste, te wete die Elementêre Hoeveelheidslys en Handelsrekeninge.

Gebeurlikheidsom

’n Gebeurlikheidsom is ’n item wat in ’n hoeveelheidslys gevind word. Die item verwys na onvoorsiene uitgawes wat waarskynlik aangegaan moet word gedurende die verloop van die kontrak.

Daar is twee tipes gebeurlikheidsomme. Die eerste verwys na ’n spesifieke item, bv. ‘addisionele veranderinge aan dienste tydens installasie van die storteenheid’ waar ’n item vir veranderinge aan bestaande dienste nie in die hoeveelheidslys vervat is nie, maar waar werk voorsien word. Die tweede tipe som is waar geld aan enige item in die hoeveelheidslys toegewys kan word op dieselfde manier as die voorbeeld van die stort, of die kan gebruik word as ‘bykomende werk wat deur die kontrakteur aangeneem word op versoek van die kontrakadministrateur’.

Die eerste word gewoonlik deur die kliënt se bourekenaar geskat en die tweede deur die bourekenaar van die kontrakteur (of kommersiële bestuurder).

Bykomende vereistes word die Materiaallys genoem.

Boeke

• Seeley IH. (1998). Building Quantities Explained 5de Hersiene uitgawe, Macmillan ISBN 978-0-333-71972-5
• Seeley IH. (1997). Quantity Surveying Practice, 2de Hersiene uitgawe Macmillan; ISBN 978-0-333-68907-3
• Lee S. Trench W. Willis A. (2005) Elements of Quantity Surveying. 10de Uitgawe WileyBlackwell; ISBN 978-1-4051-2563-5
• Ashworth A. Hogg K. (2007). Willis’s Elements of Quantity Surveying 12de Hersiene uitgawe Blackwell Publishing. ISBN 978-1-4051-4578-7