Holden Premier
Die Holden Premier was 'n groot gesinsmotor van die Australiese vervaardiger Holden. Die model was verwant aan die intreevlak Holden Standard – later die "Holden Belmont", en die Special – later die Holden Kingswood, in die reeks van die Australiese merk. 'n Uitstaande kenmerk van die Premier was sy vier ronde hoofligte in die sierrooster.
Die Premier was die luuksemodel van die drie, hoewel daar met die derde geslag nog 'n topmodel, die "Holden Brougham", bo-aan bygevoeg is. Die Premier was slegs in sedan- en stasiewavariante beskikbaar. Die model is saam met die ander in die HZ-reeks vervang deur die kleiner Holden Commodore.
| Hierdie artikel is in sy geheel of gedeeltelik vanuit die Nederlandse Wikipedia vertaal. |
