Homa Hotel Group
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Homa Hotel Group is 'n dogtermaatskappy van Iran se nasionale lugredery Iran Air wat vyfsterhotelle in groot Iranse stede bedryf. Die ketting se hotelle met altesaam 912 kamers is in Teheran, Shiraz, Bandar Abbas en Mashhad (twee hotelle) geleë. Alle hotelle is voor die Irannese Rewolusie in 1979 opgerig, met uitsondering van die tweede hotel in Mashhad wat in die laat 1990's gebou is. Die Homa Hotel in Teheran is die groep se bekendste hotel en het vroeër as Arya-Sheraton Hotel bekend gestaan.
| Homa Hotel Group | |
| Tipe | In regeringsbesit |
|---|---|
| Gestig | 1979 in Teheran, Iran |
| Hoofkantoor | Teheran, Iran |
| Sleutelpersone | Farhad Parvaresh (voorsitter en hoof uitvoerende beampte van Iran Air) M.H. Barzin (besturende direkteur) |
| Gebied bedien | Iran |
| Industrie | Hotel- en toerismebedryf |
| Produkte | Luukse hotelle, ontspanningsoorde, swembaddens, restaurante |
| Moedermaatskappy | Iran Air |
| Webwerf | Homahotels.com |
Voor 1979 was die meeste hotelle in privaatbesit. Hulle is later genasionaliseer toe die nuwe regering die hotelgroep gestig het. Volgens 'n nuusberig van Press TV, Iran se Engelsmedium-nuuskanaal, is die regering van plan om Iran Air saam met sy dogtermaatskappye Iran Air Tours en Homa Hotel Group te privatiseer.
Eksterne skakels wysig
- Amptelike webtuiste Geargiveer 21 Augustus 2008 op Wayback Machine