Wikipedia

Hrithik Roshan

Hrithik Roshan (Engelse uitspraak: /ˈrɪtɪk ˈrɒʃən/', gebore 10 Januarie 1974) is 'n Indiese akteur wat in Bollywoodfilms verskyn. Die seun van die filmvervaardiger Rakesh Roshan, hy het 'n verskeidenheid van filmrolle vertolk en is ook veral bekend as 'n begaafde danser. Hy is een van die hoogste betaalde akteurs in Indië en hy het talle toekennings ontvang, waaronder ses Filmfare-toekennings.

Hrithik Roshan
Roshan in 2016
Geboorte 10 Januarie 1974 (1974-01-10) (50 jaar oud)
Mumbai, Maharashtra, Indië
Ouers Rakesh Roshan
Pinky Roshan
Kinders 2
Beroep(e) Akteur
Aktiewe jare 1986–hede

Roshan het gereeld saam met sy pa gewerk. Hy het as 'n kinderakteur in verskeie films van die 1980's verskyn, en later het hy as 'n assistentdirekteur op vier van sy pa se films gewerk. Sy eerste leidende rol was in die box-office sukses Kaho Naa... Pyaar Hai (2000), waarvoor hy verskeie toekennings ontvang het. Optredes in die 2000-terrorismedrama Fiza en die 2001-ensemble-melodrama Kabhi Khushi Kabhie Gham... het sy reputasie in die bedryf gevestig maar sy films daarvolgens het minder sukses gehad.

Die 2003-wetenskapfiksie Koi... Mil Gaya, waarvoor Roshan twee Filmfare-toekennings (Beste Akteur en Beste Akteur – Kritici) ontvang het, was 'n keerpunt in sy loopbaan; hy het ook in suksesvolle opvolgprente: Krrish (2006) en Krrish 3 (2013) verskyn. Hy het wydverspreide lof verdien vir sy filmrolle van 'n dief in die 2006-avontuurfilm Dhoom 2, die Mogolkeiser Akbar in die 2008-historiese film Jodhaa Akbar en 'n kwadrupleeg in die 2010-drama Guzaarish. Roshan het meer sukses behaal met die 2011-drama Zindagi Na Milegi Dobara, die 2012-wraakfilm Agneepath en die 2014-aksiekomedie Bang Bang!.

Roshan het sy debuut op die televisieprogram Just Dance (2011) gemaak, hy het later as 'n beoordelaar op dieselfde televisieprogram verskyn. Hy het die hoogste betaalde filmster op Indiese televisie geword en hy raak betrokke by 'n aantal humanitêre oorsake; verskeie handelsmerke en produkte is ook deur hom onderskryf. Roshan was getroud vir veertien jaar met Sussanne Khan, by wie hy twee kinders gehad het. Hy staan as een van die mees gewilde Indiese bekendes.

Vroeë lewe en agtergrond wysig

Roshan is gebore op 10 Januarie 1974 in Mumbai in 'n Punjabifamilie.[1][2] Sy pa, filmdirekteur Rakesh Roshan, is die seun van musiekdirekteur Roshanlal Nagrath; sy moeder, Pinky, is die dogter van die produsent en direkteur J. Om Prakash. Roshan het 'n ouer suster, Sunaina. Hy het sy onderrig aan die Bombay Scottish School verwerf.[3] Hoewel Roshan 'n Hindoe is, sê hy "Ek is nie godsdienstig nie. Ek besoek nie tempels nie. Maar ek hoop daar is 'n almagtig."[4]

Filmografie en toekennings wysig

Geselekteerde filmografie wysig

Roshan se mees krities en kommersieel suksesvolle films sluit in:[5][6]

* Kaho Naa... Pyaar Hai (2000)

Verwysings wysig

  1. ↑ Gupta, Priya (17 Oktober 2013). "What I don't like about Hrithik is that he trusts everybody: Rakesh Roshan". The Times of India (in Engels). Geargiveer vanaf die oorspronklike op 10 Junie 2019. Besoek op 1 Maart 2017.
  2. ↑ Dawar, Ramesh (2006). Bollywood: Yesterday, Today, Tomorrow. Star Publications. p. 52. ISBN 978-1-905863-01-3.
  3. ↑ Iyer, Meena (15 Januarie 2012). "Hrithik Roshan visited his school Bombay Scottish in Mumbai and distributed Agneepath merchandise. The actor also got nostalgic when talking to some of the teachers". The Times of India (in Engels). Geargiveer vanaf die oorspronklike op 8 September 2019. Besoek op 1 Maart 2017.
  4. ↑ http://zeenews.india.com/entertainment/celebrity/famous-quotes-hrithik-roshan_20269.html.
  5. ↑ http://www.boxofficeindia.com/actor.php?actorid=30.
  6. ↑ https://www.rottentomatoes.com/celebrity/hrithik_roshan/.

Eksterne skakels wysig

Ontsluit van "https://af.wikipedia.org/w/index.php?title=Hrithik_Roshan&oldid=2208204"