Huisrivierpas
Die Huisivierpas is 'n bergpas in die Wes-Kaap tussen Calitzdorp aan die oostekant en die voormalige sendingstasies Zoar en Amaliënstein aan die westekant. Die pas bereik 'n hoogte van 655m bo seevlak en het 'n maksimum steilte van 1:14. Hierdie pas dra die R62 provinsiale pad oor die Huisrivierberg, 'n uitloper van die Swartberge. Die naam "huis" is afgelei van die Khoikhoi-woord vir 'wilg'.
Geskiedenis
wysigDie oorspronklike pas is in 1897 gebou en weer verbeter gedurende die 1950's. Die pas is weereens verbeter en geteer in 1966. Graham Ross was die waarnemende distrikspadingenieur gedurende 1951. Hy het vir 'n beter roete gesoek om die pad te verbreed, maar kon niks vind nie. Keermure is daarom gebou om vallende rotse op te vang wat die pad dikwels geblokkeer het .[1][2]
Sien ook
wysigVerwysings
wysig- ↑ Passes & Poorts. 2010. Getaway. Marion Whitehead. ISBN 978-1-77009-805-3
- ↑ Op Pad in Suid-Afrika. 1995. B.P.J. Erasmus. ISBN 1-86842-026-4
- Ross, Graham: The romance of Cape mountain passes. Kaapstad: Sunbird, 2011. ISBN 978-1-920289-51-5