Hulk
Die Hulk is 'n superheld wat in Amerikaanse strokiesverhale van Marvel Comics verskyn. Die karakter is deur die skrywer Stan Lee en kunstenaar Jack Kirby geskep, en het in Mei 1962 die eerste keer in die debuutuitgawe The Incredible Hulk verskyn. Die karakter, wat dissosiatiewe identiteitsteuring het, word hoofsaaklik verteenwoordig deur dr. Robert Bruce Banner, 'n fisiek swak, asosiale en teruggetrokke dokter; en sy alter ego die Hulk, 'n groen, supersterk humanoïed (niemens met 'n menslike vorm). Albei voel gegrief teenoor mekaar.
| Bruce Banner Hulk | |
.jpg)
| |
Hulk se wasbeeld in Madame Tussauds, Londen.
| |
| Skepping | |
|---|---|
| Eerste verskyning | The Incredible Hulk #1 (Mei 1962) |
| Geskep deur | Marvel Comics (Stan Lee, Jack Kirby) |
| Inligting | |
| Ander name | Robert Bruce Banner[1] |
| Byname | Joe Fixit, World-Breaker, Immortal Hulk/Devil Hulk, Jade Giant, Jade Jaws, Doc Green, Guilt Hulk/Guilt, War |
| Spesie | Mutant |
| Geslag | Manlik |
Die karakter
wysig
Ná 'n toevallige blootstelling aan gammastrale toe Banner tydens die ontploffing van 'n eksperimentele bom die lewe van Rick Jones red, verander hy fisiek in die die Hulk wanneer hy emosionele stres ervaar, gewillig of onwillig. Dié transformasie lei dikwels tot vernietigende stormlope en tot konflikte wat Banner se burgerlike lewe ontwrig. Die Hulk se vlak van krag stem gewoonlik ooreen met sy vlak van woede.
Ondanks beide Hulk en Banner se behoefte aan afsondering, is daar baie mense wat hulle ondersteun: Banner se liefde, Betty Ross, sy beste vriend, Rick Jones, sy niggie die She-Hulk en sy terapeut en bondgenoot Doc Samson. Volgens Lee is die Hulk se skepping geïnspireer deur 'n kombinasie van Frankenstein en dr. Jekyll en mnr. Hyde.[2] Hoewel die Hulk se kleur afgewissel het tydens sy publikasiegeskiedenis, is dit meestal groen.
Die Hulk is een van die ikoniesste karakters in die moderne kultuur[3][4] en het op 'n verskeidenheid gebruikersartikels verskyn, soos klere. Die karakter is die eerste keer op televisie uitgebeeld deur Bill Bixby en Lou Ferrigno in die reeks van 1978 The Incredible Hulk, The Incredible Hulk Returns (1988), The Trial of the Incredible Hulk (1989) en The Death of the Incredible Hulk (1990). In rolprente is sy karakter vertolk deur Eric Bana in 2003 se Hulk. Hy is daarna ook uitgebeeld deur Edward Norton (2008) en Mark Ruffalo in latere verskynings in die franchise.
Verwysings
wysig- ↑ Cronin, Brian (3 November 2005). "Comic Book Urban Legends Revealed #23". Comic Book Resources. Geargiveer vanaf die oorspronklike op 27 April 2015.
- ↑ DeFalco, Tom (2003). The Hulk: The Incredible Guide. London, United Kingdom: Dorling Kindersley. p. 200. ISBN 978-0-7894-9260-9.
- ↑ Miller, Matt (Julie 13, 2016). "Marvel Just Killed Off Another Iconic Superhero (But it Was the Worst One, Really)". Esquire. Geargiveer vanaf die oorspronklike op Oktober 1, 2016. Besoek op Oktober 1, 2016.
- ↑ Rothman, Michael (Julie 13, 2016). "Marvel Kills Off Iconic 'Avenger' and 50-Year-Old Superhero". Good Morning America. Yahoo!. Geargiveer vanaf die oorspronklike op Oktober 1, 2016. Besoek op Oktober 1, 2016.
Skakels
wysig
Wikimedia Commons het meer media in die kategorie Hulk.
Hierdie artikel is in sy geheel of gedeeltelik uit die Engelse Wikipedia vertaal.
