Huurkoop

Huurkoop of 'n afbetalingstransaksie is 'n kredietverkoping van roerende goed ingevolge waarvan die koopprys in paaiemente betaal word en die koper eers die eienaar word wanneer die prys ten volle betaal is. Die Minister van Finansies skryf die bedrag van die aanvanklike betaling voor. Hierdie aanvanklike betaling moet op die datum van die kredietooreenkoms betaal word. 'n Kredietooreenkoms is nie geldig totdat die aanvanklike betaling gemaak is nie. As dit nie gebeur nie, is die ooreenkoms nietig. Die aanvanklike betaling kan in die vorm van geld of goedere wees. As die koper byvoorbeeld 'n ou motor vir 'n nuwe motor wil inruil, kan die waarde van die ou motor deel van die deposito op die nuwe motor wees.

Bronnelys

• Dinamiese Bedryfstudies deur Esterhuyse · Horn · Liebenberg, Kagiso, 2005